A
SAPNewsTL,Dili: Liu husi Komunikadu Imprensa Diretor Nasional Externa komunikasaun Anacleto Caetano, haktuir Autoridade Protesaun Sivil (APC sigla portuges) rejista uma kain tolu sai vitima ba dezastre natural ne’ebe akontese iha semana dahuluk fulan fevereiru nian.
“Autoridade Protesaun Sivil atu kontinua hato’o informasaun atualiza situasaun ne’ebe liga ba dezastre natural iha semana dahuluk hahu husi loron 01 to’o 06-02-2023 fulan fevereiru, durante iha semana ne’e akontese ne’e dezastre balu ne’ebe mak fo impaktu ba ita nia maluk sira, dadus total ne’ebe mak ami rejistu iha Autoridade Protesaun Sivil ne’e hamutuk Uma kain total (3) husi Ermera no Baucau ne’ebe hetan ataka husi Anin boot no Ahi haan uma tanba hetan ataka husi lilin ne’ebe sunu la hamate”, dehan Diretor Nasional Externa komunikasaun Anacleto Caetano ba jornalista sira iha Caicoli, Dili segunda 05/02/2023
Diretor hatutan, dezastre ne’e akontese halo adjunto Komandante Terrestre APC Martinho Fatima, Inan Maria Guterres ho idade 74 husi munisipiu Baucau no Alfaredo Salsinha lakon vida husi ai monu iha tempu anin boot no julito Salsinha hetan kanek todan agora sei halo tratamentu iha HNGV
Entretantu, iha momentu ne’eba apoiu emerjensia Autoridade Protesaun Sivil liu husi Komandu Munisipiu Ermera no mos Munisipiu Baucau fo kedas apoiu ona emerjensia imediata ba sira.
Nia haktuir, kauza ne’ebe akontese iha tempu udan anin boot mak rezulta ema lakon vida no ahi han uma ne’e dalaruma husi hahalok ema nian tanba la kontrola ahi ne’ebe mak sunu, dadus ne’e sei halo levantamentu provizoriumente hela no iha munisipiu balu seidauk hetan tanba iha area rural, iha Munisipiu Ermera rezulta uma rua hetan estragu husi ai monu no rai halai no iha baukau ahi han uma ida.
Enkuantu, vitima dezastre natural ne’ebe akontese daudaun APC rejista hamutuk 371, balu hetan ajuda ona no balu seidauk hetan apoiu no sira husu ba familia sira hela iha Area risku karik tenke ses an husi fatin sira nune’e labele fo impaktu ba familia sira.
Jornalista : Aquelina Mangalhaes