Imajem : Diretor GREC-APC Cesario da Silva Marques iha Salaun APC Caicoli, (23/09/2024).
SAPNewsTL, Díli : Autoridade Protesaun Sivil (APC, Sigla Portugues) liu husi Sentru Nasional Operasaun Protesaun Sivíl (SNOPC, sigla Portugés) Gabinete Relasaun Externa no Komunikasaun informa katak durante semana ida uma hamutuk tolunulu resin rua (32) maka hetan estragus no ema hamutuk 181 sai afetadu.
Iha loron 16-23 fulan setembru tinan 2024, iha rejiaun Timor-Leste akontese tipu dezastre ne’ebe rezistu husi CNOPC-APC hamutuk 32.
“Durante semana ida ne’e, iha rejiaun Timor-Leste akontese númeru uma estragus hamutuk 32 kompostu husi anin sobu 31, ahi han 1, enkuantu mate 1, Kanek 2, númeru ema afetadu hamutuk (181)”. Dehan Diretor GREC-APC Cesario da Silva Marques ba jornalista sira iha Salaun APC Caicoli, (23/09/2024).
Kazu uma hetan estragus ne’e mosu iha munisípiu sira hanesan munisípiu Atauro Anin sobu uma ida (1), Baucau anin sobu uma ruanulu resin-hitu (27), Covalima anin sobu uma ida (1), Díli Anin sobu uma rua (2), ahi han uma ida (1), Viqueque lakon vida ema ida (1) no kanek rua (2).
Diretor ne’e salienta, komandu APC hamutuk ho parseiru relevante sei fornese asisténsia emerjénsia ba família afetadu, no kontinua halo levantamentu detallu ba sasan ne’ebe estragus no lakon.
“Komandu APC munisípiu ho Parseirus Relevante sei fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item). Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon”.Nia informa
Munisipiu Atauro, postu Atauro, suku Beloi. Aldeia Arlo, iha loron 16/09/2024 akontese anin sobu komunidade nia uma ida (1).
Munisipiu Baucau, postu Quelecai, suku Abafala, aldeia Caranu iha loron 14/09/2024 akontese anin sobu komunidade nia uma tolu (3), aldeia Caranu iha loron 13/09/2024 akontese anin sobu komunidade nia uma ida (1), aldeia Asa-lequi iha loron 14/09/2024 akontese anin sobu komunidade nia uma rua (2), aldeia Teleha iha loron 14/09/2024 akontese anin sobu komunidade nia uma ida (1).
Suku Letemumu, aldeia Uaidora iha loron 14/09/2024 akontese anin sobu komunidade nia uma sanulu resin-ida (11), suku Makalaku, aldeia Tefedae iha loron 14/09/2024 akontese anin sobu komunidade nia uma ida (1), aldeia Pusi-lae, iha loron 13/09/2024 akontese anin sobu komunidade nia uma ida (1).
Suku Guruca, aldeia Lakulela iha loron 13/09/2024 akontese anin sobu komunidade nia uma ida (1). Suku Waitame, aldeia Gugulai iha loron 13/09/2024 akontese anin sobu komunidade nia uma rua (2), aldeia Gamana iha loron 13/09/2024 akontese anin sobu komunidade nia uma ida (1), aldeia Gamana iha loron 13/09/2024 akontese anin sobu komunidade nia uma rua (2), aldeia Sialimo iha loron 13/09/2024 akontese anin sobu komunidade nia uma ida (1).
Municipiu Covalima postu Maucatar, suku Olpilat, aldeia Fatuk – Oan, iha loron 18/09/2024 akontese anin sobu komunidade nia uma ida (1).
Municipiu Díli, postu Cristo Rei, suku Ailoc, aldeia Maliaboro iha loron 16/09/2024 akontese anin sobu komunidade nia uma ida (1), aldeia Coitutu iha loron 16/09/2024 akontese anin sobu komunidade nia uma ida (1). Postu Vera Cruz, suku Bairopite, aldeia Fatumeta iha loron 17/09/2024 akontese ahi han komunidade nia uma ida (1).
Municipiu Viqueque, postu Uatu-carbau suku Bahatata, aldeia Neluwai iha loron 18/09/2024 akontese mota lori labarik nain tolu (3), labarik nain rua (2) konsege salva maibe vitima ho naran Nelvia da Cruz ho idade-7 lakon vida, nia isin mate hetan fali iha dia 21/09/2024 iha tuku 15:00 Lora-kraik.
Jornalista : Dircia Baptista Belo