Imajem Feto Foinsa’e Sekulu XXI hamutuk Ho Presidente GMPTL Lidia Norberta, SEII no Presidente APFTL Zaulinho G. Da Silva iha INAP Comoro Dili/17/02/23.
SAPNewsTL, Dili : Alumni Parlamento Foinsa’e Timor-Leste (APFTL) lansa programa feto foinsa’e sékulu XXI, Objetivu hui programa ne’e hodi kontribui ba feto no labarik feto sira iha aspeitu Edukasaun, Saùde, Seguransa no asunto sira ne’ebe liga bà Feto sira.
Tuir Presidenti Alumni parlamento Foinsa’e Timor-Leste (APFTL) Zaulinho G. da Silva hateten atividade lansamentu programa feto Foinsa’e XXI, APFTL inisiativa inisia progrma ida ne’e atu empodera feto sira liliu joven feto sira ne’ebe mak nu’udar mos membru ba assosiasaun APFTL
Presidente APFTL Zaulinho G. Da Silva iha INAP Comoro Dili/17/02/23.
“APFTL inisia programa ne’e hodi empodera feto sira liliu joven feto sira ne’ebe nu’udar mos Membru Assosiasaun APFTL, APFTL hakarak iha espasu ida hodi bele promove sira nia talent, ami fiar katak ba oin sira bele servisu hamutuk iha future”. haktuir Zaulinho G. Da Silva ba jornalista sira iha INAP Comoro Dili/17/02/23.
Iha fatin hanesan, Rosalia M. Moruc hatutan situasaun modernu, ema hotu presiza promove feto nia partisipasaun hodi kontribui hamutuk ba desenvolvimentu
“Hanesan feto ida, ita haree ba situasaun agora ne’e situasaun modern, iha tempu uluk ne’e Mane deit mak iha direitu atu partisipa iha aktividade hotu, Maibe iha Era modernu ita mos presiza promove feto sira hotu tanba ideia hotu ba dezenvolvimentu país ida ne’e nian ita presiza feto hotu sira nian ideia hodi kontribui ba desenvolvimento rai ida ne’e”. Dehan Rosalia M. Moruc
Membru APFTL Rosalia M. Moruc
Rosalia aprofunda buat hotu ne’ebe aprende ona, labele rai, maibe tenki matreializa no konkretiza iha organizasaun no sosiedade
“Ha’u hatene katak ha’u mos feto ida ne’ebe maka bele iha ideia sira ne’ebe bele kontribui mos ba dezenvolvimentu, saida mak ha’u aprende ha’u la bele rai de’it, Se ha’u rai de’it maka nia sei la iha valor, nune’e hau presiza fahe fila fali atu bele aprende no kontribui hamutuk fila fali iha nasaun liu husi hola parte iha organizasaun feto ida nian, hanesan Feto Foinsa’e Sékulu XXI”Tenik nia
Nia Akresenta, Iha era sékulu XXI, Sosiedade Timor Presiza Promove no Desenvolve feto sira iha kareira
“Tempu ona para Feto Sékulu XXI, era globalizasaun sira presiza dezenvolve no promove feto sira iha kareira, feto sira iha Assosiasaun APFTL aprende buat barak, sira hakarak hamutuk ho matenek ne’ebe sira iha, hodi kria fali aktividade sira, fahe formasaun, sosializasaun atu bele enkoraja feto sira nafatin koragem hodi kontribui ba igualidade jéneru, Inkluzaun Sosial no garante feto nia partisipasaun iha esfera públika”. Hatete nia
Entretantu, Programa Feto Sékulu XXI ne’e involve husi Joven feto ruanulu resin ida (21), Enkuantu, iha serimónia lansamentu ne’e partisipa husi Representante Sekretaria Estadu Inkluzaun Sosial (SEII), Presidente Grupu Muller Parlamentares Timor Leste (GMPTL) Lidia Norberta, Representante Unicef, inklui Membru sira APFTL
Imajem Reuniaun Asembleia Jeral Anual APFTL Tinan 2023
Aleinde ida ne’e, APFTL mos hala’o Asembleia Jeral Annual, iha ne’ebe Estrutura Ezekutivu Apresenta Relatóriu Annual hodi hetan apresiasaun iha asembleia no apresenta planu annual 2023. Iha debate membru sira hala’o ho interativu ikus mai aprova planu no programa ho votus afavor 50, abstensaun 1 no kontra mamuk.
Enkuantu, enseramentu Presidente APFTL Zaulino Gomes hato’o agadese ba membru APFTL hotu ne’ebe partisipa ativamente iha debate hodi aprova planu asaun annual ho susesu, ezekutivu ne’e garante sei kontinua servisu makaas ho ezekuta planu hotu ne’ebe halo hodi kontribui pozitivamente ba desenvolvimentu nasionál
“Aliende ida ne’e ami mos organiza organizasaun juvenil ida, ne’e Assosiasaun Alumni Parlamentu Foinsa’e iha assembleia reuniaun jeral iha tinan ida ne’e nian, objetivu assembleia ne’e atu relata hikas fila fali relatorio anual 2022 nian bá membru sira atu bele garante akuntabilidade, transparansia ba membru sira aliende ne’e ami mos apresenta hikas prioridade 2023 nian hodi hetan aprovasaun liu husi assemleia”Dehan nia Zaulinho G. Da Silva ba jornalista sira iha INAP Comoro Dili/17/02/23.
Jornalista : Conzita Mota