Atu Proteze Druze ! Israel Lansa Atake Aéreu Maka’as Ba Damasku

SAP News TL, Síria : Israel halo atake aéreu maka’as iha Damasku kapitál Síria nian, EUA hatete katak funu sei para iha tempu badak no Israel harahun alvu militár sira ho objetivu atu proteje Druze sira tanba violénsia iha Síria envolve Druze, Beduínu no forsa governu nian.

Marciana Da Conceição Jurnalis – SAP News – TV

Tuir informasaun ne’ebe Mídia Sapnews asesu liu hosi Reuters katak Iha loron 16 Jullu ne’e Israel lansa atake aéreu maka’as iha Damasku iha loron-kuarta ne’e, hodi halo nakfera parte hosi Ministériu Defeza no kona besik palásiu prezidensiál bainhira promete atu halakon forsa governamentál sira ne’ebé ataka Druze iha súl Síria nian no ezije sira atu retira.

Atake sira marka eskalasaun signifikativu israelita nian hasoru administrasaun ne’ebé lidera hosi islamista sira hosi Prezidente interinu Ahmed al-Sharaa maske nia relasaun ne’ebé manas ho EUA no nia administrasaun nia kontaktu seguransa sira ne’ebé evolui ho Israel.

Deskreve ukun-na’in foun sira Síria nian hanesan jihadista sira ne’ebé ladún disfarsadu, Israel hatete ona katak sei la husik sira muda forsa sira ba Súl Síria nian no promete atu proteje komunidade Druze área nian hosi atake, enkorajadu hosi apelu sira hosi minoria Druze Israel nian.

Estadus Unidus hatete katak funu sei para iha tempu badak. “Ami envolve ona parte hotu-hotu ne’ebé maka envolve iha konfrontu sira iha Síria. Ami konkorda ona pasu espesífiku sira ne’ebé maka sei hakotu situasaun preokupante no horor ida-ne’e iha kalan ne’e”, hatete hosi sekretáriu Estadu Marco Rubio iha rede sosial.

Síria hatete katak simu ho laran-haksolok esforsu sira hodi rezolve konflitu no husu ba Konsellu Seguransa Nasoins Unidas nian atu “haree ba konsekuénsia sira hosi agresaun israelita nian”, haktuir hosi karta ne’ebé haree hosi ajénsia Reuters.

Aviu Funu Sira Iha Damasku Nia Leten

Ema lubuk ida maka mate iha semana ida-ne’e, violénsia hale’u sidade Sweida ne’ebé maka barak liu maka iha Druze hodi halo kombatente sira hosi minoria Druze hasoru forsa seguransa governu nian no membru sira hosi suku beduínu sira.

Repórter sira Reuters nian rona aviaun funu nian sira semo tun iha kapitál nia leten no halo atake maka’as oioin iha loraik. Koluna suar nian sa’e hosi área besik ministériu defeza nian. Edifísiu hetan destruisaun no nakonu ho rai-rahun.

Fonte médiku síriu ida hatete katak atake sira hasoru Ministériu Defeza nian hamate membru na’in lima hosi forsa seguransa nian.

Responsável militár israelita ida hatete katak entrada ba kuartél-jerál militár iha Damasku hetan estragus hamutuk ho alvu militár ida besik palásiu prezidensiál. Responsável ne’e hatete katak forsa Síria sira la halo atuasaun hodi prevene atake sira hasoru Druze no halo parte iha problema.

“Ami sei la permiti atu súl Síria sai hanesan fortaleza terror nian”, hatete hosi Eyal Zamir, Xefe Estadu-Maiór Militár Israel nian.

Sharaa hasoru dezafiu sira atu halibur fali Síria hasoru dúvida klean sira hosi grupu sira ne’ebé tauk ukun islamista. Iha fulan-Marsu, oho ema barak hosi membru sira hosi minoria Alawite nian halo deskonfiansa sai aat liután.

Iha loron-segunda, tropa sira Governu Síria haruka ba rejiaun Sweida hodi hamate funu entre kombatente druze no ema armadu beduínu sira. Tropa sira ikusmai hasoru malu ho milísia Druze.

Konfrontu foun sira mosu iha sidade, tuir sasin ida hosi Reuters, hafoin ministériu interiór síriu no líder druzu ida, Xei Yousef Jarbou, hatete katak alkansa ona sesárfogu.

Rezidente sira Sweida nian hatete katak sira subar iha uma laran. “Ami hetan serku no ami rona funu-na’in sira hakilar … ami tauk tebes,” rezidente ida hosi Sweida hatete liuhosi telefone.

Bele rona lian hosi tiru sira ne’ebé maka taka ho lian maka’as iha kotuk. “Ami tenta halo labarik sira nonook, nune’e ema ida labele rona ami”, mane ne’e hatutan, hodi husu atu labele identifika tanba tauk hetan represália.

Ministru Saúde Síria nian hatete katak hetan ona mate-isin sanulu resin, inklui funu-na’in sira no ema sivil sira, iha ospitál. Rede Síria ba Direitu Umanu sira hatete katak ema na’in 169 mate ona iha violénsia semana ne’e nian. Fonte seguransa sira tau númeru pedájen nian iha 300. Reuters labele verifika ho independente númeru sira.

Minoria

Druze, seguidor sira hosi relijiaun ida ne’ebé maka sanak ida hosi Izlaun, namkari entre Síria, Líbanu no Israel.

Tuir apelu sira iha Israel hodi ajuda Druze sira iha Síria, Druze israelita barak maka hakat liu moru fronteira nian iha loron-kuarta, hodi liga ho Druze sira iha parte Síria nian, hatete hosi sasin ida hosi Reuters.

Primeiru-ministru israelita, Benjamin Netanyahu, hatete katak militár israelita sira serbisu hela hodi salva druze sira no husu ba sidadaun druze izraelita sira atu labele atravesa fronteira. Militár israelita sira hatete katak sira serbisu hela hodi fó seguru ba ema sivíl sira.

Druze israelita Faez Shkeir hatete nia sente laiha kbiit bainhira haree violénsia iha Síria. “Ha’u nia família iha Síria – ha’u nia feen iha Síria, ha’u nia tiun sira hosi Síria, no ha’u nia família iha Síria, iha Sweida, ha’u la gosta haree sira oho. Sira duni sai hosi sira nia uma, sira na’ok no sunu sira-nia uma, maibé ha’u labele halo buat ida”, nia hatete.

Iha loron-tersa ne’e, jornalista ida hosi Reuters hatete katak sira haree ona forsa governamentál sira na’ok no sunu uma sira no na’ok karreta sira no mobiliáriu sira iha Sweida. Mane ida hatudu ba jornalista, nia maun nia mate-isin ne’ebé hetan tiru iha ulun iha sira-nia uma laran.

Deklarasaun ida hosi Governu Síria nian iha loron-kuarta ne’e hatete katak sira ne’ebé responsável ba ilegalidade iha Sweida sei responsabiliza. Nia hatete governu iha kompromisu atu proteje direitu sira hosi povu iha Sweida. Sharaa promete beibeik ona atu proteje minoria sira.

Notisia SAPNews kolleta hosi Reuters nia reportajen husi Khalil Ashawi iha Damasku, Maya Gebeily, Yamam al-Shaar no Laila Bassam iha Beirut, Steven Scheer no Crispian Balmer, Charlotte Greenfield, Emily Rose iha Jeruzalén; Tala Ramadan, Ahmed Elimam, Elwely Elwelly iha Dubai, Nayera Abdallah; Siyabonga Sishi iha Majdal Shams, Jonathan Spicer iha Istanbul, Daphne Psaledakis, Trevor Hunnicutt, Katharine Jackson iha Washington; Hakerek husi Maya Gebeily, Tom Perry no Andy Sullivan; Edita husi Andrew Cawthorne, Ros Russell no David Gregorio