Audiênsia Ho PR Horta, Xanana : Seidauk Hatene Se Mak Primeiru Ministru

SAP News

1 year ago

SAPNewsTL,Dili: Presidente Partidu Congresso Nacional Reconstrução de Timor (CNRT) Kayrala Xanana Gusmão hasoru malu ho Presidente da Repúblika Jose Manuel Ramos Horta ohin iha palasiu presidensial Aitarak-Laran

Iha Intervista Presidente Partidu CNRT Kayrala Xanana Gusmão haktuir CNRT hanesan Partidu Mais Votadu, ohin Hasoru Malu informal ho Presidente Repúblika hodi Ko’alia Kona ba kalendáriu

“CNRT Hanesan Partidu Vensedor, ohin Mai enkontru ho Presidente da Repúblika, sei hanesan informal seidauk formal, enkontru formal bainhira sexta legislativa foun mai mak sei enkontru formal ne’e akontese”.

“Husu mos ba Presidente kona-ba kalendariu tanba husi Presidente Parlamentu Nasional hateten katak hein to’o loron sanulu resin lima signifika sei monu iha loron 22 fulan ne’e no ita hein deit iha loron 22 fulan ne’e, depois loron 22 ita sei iha nomeasaun ba Parlamentu Nasionàl no mosu mos ho eleisaun ba Presidente Parlamentu Nasional, Hafoin Presidente Repúblika bele bolu ho formal Partidu hodi fo sai Primeiru Ministru indizitadu, ita hotu seidauk hatene, ita nia Primeiru Ministro mak se,”Dehan Presidente Partidu CNRT Kayrala Xanana Gusmão ba jornalista sira iha Palasiu Presidensial Aitarak-laran, Dili, 07/06/2023.

Xanana Gusmão mos informa, Relasiona Ho rezultadu Eleisaun liliu iha fatin balun (Sentru Votasaun Ida Iha Taibesse) ne’ebé Votus CNRT fo fali ba Partidu Seluk, Tenki Prosesa Tuir lei, nune’e bele fo lisaun ba jerasaun Foun no Liderança Sira ba futuru

Relasiona ho fiskais husi Partidu CNRT nian hamutuk STAE ho CNE fo sai no ita hotu hatene ona katak la simu no ami hakarak prosesa, lori nafatin kazu hirak ne’e to’o ninia reszultadu, rezultadu ne’ebé fo sai, ami simu maibe ami la simu ba fraude eleitoral refere ho kazu ne’ebe ami simu ne’e hodi bele hanorin ba jerasaun foun no lideransa foun nasaun ne’e nian nunee la bele monu tan ba problema sira hanesan ne’e”. Tenik Presidente Partidu CNRT Kayrala Xanana Gusmão liu husi Intervista iha Palasiu Presidensial Nicolau Lobato Ai-Tarak Laran Dili, 07/06/2023 Nia hatutan,

“Iha fatin ida votus Partidu CNRT nian hetan zero, ita hotu lahatene no halo ami hakfodak, ami bolu kedas deputadu ne’ebe mak hela iha fatin refere hanesan Deputada Bendita Monis no sira akompanha maibe votus Partidu CNRT nian zero hamosu duvidas ba Partidu CNRT, votus ne’ebe partidu CNRT hetan fo fali ba partidu seluk ida ne’e mak ami la simu no ami la reklama ona, ami hakarak prosesu La’o nafatin maibe ida ami reklama ne’e hodi kastiga tiha ema ne’ebe mak halo krimi ne’e hodi hanorin ba futuru sei la akontese tan”. Nia husu

Líder Nasionàl ne’e husu atu Husu Ema hotu-hotu tenki respeitu lei, labele tan halo aktu sira ne’e mosu tan, tanba sei iha tan eleições suku sira

“Iha kampanha ita hotu rona katak sei iha desentralizasaun, tenki hadia agora, nune’e iha futuru fraude eleitoral sira hanesan ne’e krimi ne’ebé la bele kontinua tan”. Nia Hatete

Jornalista: Lídia Amaral