Imajem : Presidente Interino Partidu Centro Acção Social Democrata Timorrense (CASDT) Isac do Rosário, iha Knaar Fatin, Manleuana, 24/03/2023
SAPNewsTL, Díli: Presidente Interino Partidu Centro Acção Social Democrata Timorrense (CASDT) Isac do Rosário afirma CASDT afavor ba Polítika dada kadoras Greater Sunrise mai Timor Leste, tanba wainhira dada mai Timor Leste sei lori empregu ba Timor oan sira no hasa’e kresimentu ekonomia komunidade nian
Presidente Interino ne’e hatete, “Partidu CASDT defende Dada kadoras Greater Sunrise mai Timor Leste, tanba wainhira dada mai Timor, kampu ne’e sei kria oportunidade de empregu ba dezempregu sira, bele hasa’e mos kresimentu ekonomia no reduz kiak iha Timor Leste” Presidente Interino Partidu CASDT Isac do Rosário iha Knaar Fatin, Manleuana, 24/03/2023
Nia fundamenta, Programa prioridade Partidu CASDT, hamenuz dezempregu iha rai-laran, entaun tenke dada kadoras greater sunrise mai Timor Leste, nune’e loke empregu ba juventude sira bele hetan servisu
“Prioridade Partidu CASDT nian maka hamenuz Dezempregu liu husi dada kadoras Greater Sunrise mai Timor Leste, inklui desenvolve setor sira hanesan Agrikutura, Edukasaun, Turizimu, hodi kria empregu ba joven sira, nune’e joven sira labele hanoin sai ba rai liur deit”. Nia dehan
Nia salienta, atu garante funsionamentu roda ekonomia iha Timor Leste, ekonomia ne’ebe la’o makas teb-tebes, tenki funsiona roda guvernu administrasaun munisipiu ka fo poder ba munisipiu
“Roda ekonomia funsiona, CASDT defende desentralizasaun ka poder lokal, Programa Centro ASDT nian hanesan uluk sai husi suku no aldeia funsiona roda governu administrasaun iha Munispiu, entaun iha ne’eba barak funsionariu, dezempregu mos la iha ona. Funsiona desentralizasaun no entrega ona poder ba governu local”. Defende Nia
Partidu CASDT garante sei hetan vitoria iha eleisaun parlamentar tinan ida ne’e, maibe garante ida ne’e tenke ser liu husi sakrifísiu no servisu makaas liliu ba estrutura sira suku no aldeia sira iha kada Munisípiu, atu bele alkansa objetivu hakat bareira 4% ka bele liu votus rihun 28.000.
Jornalista : Lidia Amaral