Imajen Intervensaun Deputada Bankada CNRT Maria Bareto
SAPNewsTL,DILI- Liu husi debate OJE iha Generalidade Deputada Bankada CNRT Maria Bareto hateten iha tinan 2022 ezekusaun ba OJE ho montante 3.2 bilhaun maibe to’o ohin loron la iha rezultadu ho diak nune’e povu sei kontinua halerik ba bebeik
“Apresia ba relatorio paraser ne’ebe mak konsidera rekomendacoes husi komisaun permanente espesializadas, parlamentu nasional nian ne’ebe mak bazeia duni realidade iha ezekusaun orsamentu jeral do estadu 2022 ne’ebe mak ita hare mukit tebes, maibe hamosu perguntas ne’ebe mak mosu durante iha audensia ho ministerio relevante sira hotu ba kapasidade governu, iha ezekusaun orsamentu ne’ebe mak mukit ho resposta husi membru governu sira kuaze maioria razaun katak,ezekusaun nee ki’ik tanba governu agora hare mak kualidade laos hare ba kuantidade ba iha ezekusaun ida ne’e”. Dehan Deputada Bankada CNRT Maria Bareto iha uma fukun parlamentu nasional, Quarta-feira (09/10/2022)
Nia haktuir, OJE 2022 orsamentu ho total 3.2 bilhaun maibe la iha kualidade ba ezekusaun ba osan refere tanba ne’e povo kontinua halerik bebeik ba infraestrutura basika hanesan saude no seluk tan
“Kualidade ne’e haree iha ezekusaun orsamentu, osan deit la ezekuta oinsa mak sukat nia kualidade ida ne’e mak ita hanaran defisiensia iha ezekusaun orsamentu iha tinan 2022 ho pontu 3.2 bilhaun osan ne’ebe mak ho montante boot maibe povu sei kontinua halerik bebeik ba halerik bebeik saude, aimoruk menuz, mina hodi ense ba ambulansia mos la iha, aimoruk esensial menuz, realidade sofre stock out iha ita nia nasaun ida ne’e”. Tenik nia
Deputada ne’e salienta katak governu sei iha tusan ba pessoal saude sira tanba sedauk selu subsidiu ba pessoal saude iha lina frenti sdurante pandemia covit-19
“Iha fatin seluk mos governu iha divida ou iha deve hela ba ita pessoal saude sira ne’ebe mak servisu iha tempu pandemia covid19 nian to’o agora governu seidauk selu subsidiu ba liña frenti ketrin, limpeza, siguransa sira ne’ebe mak halo sira nia knaar iha hospital no sentru saude ate agora seidauk selu, no mos ekipamentus saude ne’ebe mak barak aat, ida ne’e mak sai problema boot ba ita nia pessoal saude sira oinsa mak sira atu halo atendimentu ba iha pasiente sira kuandu ita nia ekipamentus saude nian aat no mos la iha manutensaun”. nia dehan
Nia informa katak OJE nia montante boot tebes maibe pessoal saude barak mak sei para servisu iha fulan dezembru ne’e tanba razaun pagamentu la iha
“Iha tinan ida ne’e iha fulan dezembru pessoal saude hamutuk 3 mill ne’ebe sei lakon sira nia servisu ho razaun tanba osan la iha maibe ita hare osan ne’ebe mak aprova ho montante ne’ebe mak boot nee ba iha ne’ebe”.Nia hakotu
Jornalista : Lidia Amaral