Imajem Deputadu Bankada Partidu Libertasaun Popular (PLP) Noe Ximenes
SAPNewsTL,Dili: Deputadu sira iha Parlamentu Nasional (PN) autoriza Prezidente Republika (PR) Jose Manuel Ramos Horta viajen Ba Qatar maibe Deputadu Husi Bankada Partidu Libertasaun Popular (PLP) Noe Ximenes Lamenta ho viajen refere tanba la halo poupansa orsamentu ba povu nia moris.
“Ha’u apresia ba Prezidente Republika (PR) Jose Manuel Ramos Horta nia programa kada fulan-fulan sempre halo vizita ba estranjeiru, ne’e programa ida ne’ebe diak sei lori Timor ba Mundu, maibe hanesan sidadaun hanesan mos deputadu hau hakarak hato’o hau nia lamentasaun liga ba vizita sira ne’e, baibain ita dehan tenki poupa orsamentu tenki hare’e ba povu nia Moris maibe ba vizita sira ne’ebe la’o kuaze fulan-fulan la gasta osan ou poupansa ka lae”, dehan Deputadu Bankada PLP Noe Ximenes iha Plenaria PN tersa (28/02/2023).
Deputadu hatutan, nia aseita ho vizita ida ne’e maibe hanesan deputadu nia mos iha lamentasaun, programa prezidente propriedade liu ba vizita estranjeiru maibe la tau prioridade ba situasaun jeral nia Timor-Leste rasik, lolos Partidu CNRT rasik bainbain hakilar maka’as dehan ne’e kandidatu ninian, mais senti moe ka lae prezidente uniku maibe depois fo deit sentimentu ba ninia vizita sira la marka prezensa no merese povu ida ne’e tenki hare’e bainbain hakilar dehan faktu ou lae keta halo prezidente hanesan simbolu ida ba CNRT nia kandidatu para atinje objetivu politiku ne’ebe iha.
Entertantu Deputada Bankada KHUNTO Olinda Guterres dehan, Prezidente Republika (PR) ba liur kada fulan-fulan, uluk nia iha AMP nia trava prezidente Francisco Guterres Lu Olo atu ba Roma atu ba hasoru Amu Papa maibe agora la trava tanba sentidu estadu nian tenki sai duni, antes atu fo sira nain lima nia votu ba PR tenki kritika lai.
Nia dehan, diak liu rezolve problema refuziadu sira ida ne’e iha PR nia Liman laos iha MSSI nia liman no laos iha governu nia liman lolos ne’e sira nain lima vota kontra maibe sentidu estadu vota afavor, maibe PR tenki halo poupansa sira atu la fo votu mos orsida sira nia fuan moras tanba hala’o nasaun ninian, maibe nasaun kuandu grave PR tenki toma responsavel.
Jornalista : Ermelinfa Soares