Imajem Embaixador Xina Charge hasoru malu ho Prezidente Republika Jose Ramos Horta, Iha Palasiu Prezidente Aitarak Laran, Dili kinta (2/03/2023)
SAPNewsTL, Dili: Prezidente Republika Jose Manuel Ramos Horta hasoru malu ho Embaixador Xina Charge ba Timor-Leste (TL), objetivu husi sorumutu ne’e hodi hametin kooperasaun bilateral entre nasaun rua ne’e tanba nasaun Xina hakarak ajuda Timor-Leste dezenvolve produtu lokal sira.
“Iha enkontru ne’e Prezidente Jose Manuel Ramos Horta haktuir hakarak adere ba prinsipiu Xina nian no respeita soberanu Xina nian, tanba ne’e mak ami hakarak hametin kooperasaun bilateral ho Timor-Leste iha nivel ass no hau mos hato’o ba Prezidente katak embaixada Xina fo doasaun balun hodi suporta industria kafe iha Timor-Leste no ami mos sei kontinua introdus kafe TL ba merkadu Xina tanba ema chineza gosta kafe TL tanba nia kualidade diak laiha kontamina ho elementu kimiku”, dehan Embaixador Xina ba TL Charge a’affires Xu Dayang ba jornalista sira iha Palasiu Prezidente Aitarak Laran, Dili kinta (2/03/2023)
Chagre informa, dezde 2022 kafe tonelada 349 exporta ba Xina, merkadu Xineza boot tebes entaun diak ba TL atu bele haruka nia produtu sira, tinan kotuk sira nia embaixada hamutuk winan province oferese besik 70.000 USD hodi ajuda industria kafe iha Timor Leste, durante enkontru nia resposta maka hakarak, ami lori tan investidor barak mai Timor Leste, tanba nia foka liu ba investimentu sira.
Nia afirma tan, Prezidente dehan komersiu diak maibe investe barak husi kompania internasional bele fo servisu ba timor oan barak, Timor oan barak mak ba servisu iha rai seluk, maibe se kria kampu trabalhu barak iha TL, Timoroan sira sei hela no servisu manan osan barak.
Embaixador fundamenta tan, Prezidente mos hakarak lori investidor husi rai seluk mai TL, agora dadaun iha kompana chineza mak iha ona TL, entaun Prezidente hakarak kompana Xineza hirak ne’e atu investe liu tan hodi kria kampo traballu ba timor-oan sira ne’e sira konkorda ho prezidente atu halo saida maka sira bele atu konvense kompana Xineza barak mai investe iha Timor-Leste, hodi hametin koperasaun bilateral.
Journalista: John Marito