Diskriminasaun Ba Feto Buras, Grupu Desportu Ba Moris Kapasita Joven Sira
Dili : Grupu Desportu Ba moris servisu hamutuk ho Governu Alemainha Timor-Leste, Fo formasaun ba joventude sira hamutuk 40 kona ba desportu iha LASAMA TRENING CENTER, Formadora Feliciana Soares Soi hateten, joven tenki prepara an agora no foti oportuidade ho aprende
Tuir Formadora Feliciana Soares Soi Hateten sira nia misaun maka hala’o dezemvovimentu umanu liu husi desportu, Dala barak ema ko’alia konaba desportu, Ema hanoin liu kona ba oinsa atu joga bolla.
“Liu husi ami nia Formasaun ne’e konsidera katak bele dezenvolve ema liu husi desportu no halo kapasitasaun ba sira husi desportu ba moris hodi kontra Desigualidade generu, Dala barak ita hare ona akontese iha Sosiedade hodi halo deskriminasaun ba feto ho mane nia servisu la hanesan liuliu ba iha fahe knar sira, Ami hanoin ida ne’e katak problema ida entaun ami hamrik atu halo formasaun kontra desiguladade generu”. Dehan Feliciana ba Jornalista SAPNEWSTL iha jardim Colmera Dili, Domingu (29/05/2022).
Formadora ne’e mos hatutan tan iha formasaun ne’e sira hala’o aktividade desportu oioin.
“Aktividade desportu ne’ebe ami halo iha formasaun ida ne’e mak hanesan Vollyball, Bola-Kasti, Tata Berlindus, Habit Bulaun, Football no Jinastiku, total formandu hamutuk ha’at nulu(40) Maibe formandu balu iha preokupasaun ho eskola entaun sira la ativu iha formasaun ne’e rasik agora menus ba iha Trinta sete(37).” Nia Fundamenta
”Formandu mak sei ativu nafatin iha formasaun ne’e, maibe ami enkoraja nafatin sira katak joven mak futuru nasaun nian, Joven tenki prepara an agora no foti oportunidade atu aprende hodi lori Nasaun ba futuru” Dehan nia
Tuir Formandu octaviano Damião Da Costa hateten katak nia senti haksolok tebes tuir formasaun ida ne’e ho objetivu oinsa atu promove joven sira hodi konsolida sai jovens ne’ebe saudavel no siviku.
“Ha’u sente satisfas tuir formasaun desportu ida ne’e, oinsa halo movimentu aktividade desportu nafatin hodi kontribui ba saude diak, no ami nia formasaun ida ne’e lolos ne’e durasaun semana ida deit maibe ho preokupasaun husi ami nia eskola entaun semana ida ami tuir formasaun dala rua deit iha loron Sabado no domingu, Entaun ami nia formasaun ne’e rasik sei remata fali iha semana ha’at nia laran”.Hakotu nia
Enkuantu, formasaun ne’e nu’udar kampanha no kontribuisaun ida hodi kontra desigualidade generu iha sosiedade Timor-Leste, fo espasu ba joven sira explora no desenvolve sira nia talentu no mentalidade iha area desportivu
Jornalista : Justino de jesus Soriano
Edtora : Antonina Lopes da Silva