Deputadu David Dias Mandati
SAPNewsTL,Dili: Deputadu Bankada FRETILIN David Mandati Dias hatete politika no demokrasia nu’udar liafuan ne’ebé uza dala barak iha sosiedade nia le’et, politiku sira halo aktividades hodi influensia sidadaun nia opiniaun hodi vota ba sira para hetan poder, nia husu ba sidadaun hotu atu uza nia direitu no liberdade ho lolos, labele duun matak no explora ema, maibe tenki hatudu dalan los no naroman ba ema hotu
“Ba aktividade atu influensia ne’e maka dala ruma halo ema balun haluha an tan halo programa hodi aprezenta ba sidadaun sira dehan atu halo ida ne’e ho ida ne’eba, mas molok hetan tiha poder haluha tiha promesa sira ne’e, balun haluha regras de jogu atu hetan poder hakat liu tiha lei no normas. Dehan deputadu bankada FRETILIN David Mandati Dias liu husi plenaria iha parlamentu nasional, Segunda-Feira, 26/07/2022.
Deputadu ne’e akresenta, ema hotu iha liberdade atu halo eskolla no liberdade atu espresa direitu no liberdade, sira ne’e maka ema balun uza sala hodi lakon sira nia moral no dun matak ema no hafo’er ema nia naran atu subar sira nia hahalok fo’er sira ne’e.
Nia hatutan, kuandu temi moral no hadia an, realizasaun ema ida nian husi laran dala ruma mos moral atu hatudu espiritu dedikasaun ema ida nian kona-ba serbisu ne’ebe nia halo.
Entretantu, Mandati fundamenta, politika la bosok no la eksplora ema maibe politika hatudu naroman no dalan los.
“Politika nia jogu maka ida ne’e, ohin ko’alia ida, aban ko’alia seluk ladun hanesan, ne’e polítika la’os bosok malu, politika mos la’os eksplora ema nia ignoransia maibé politika hatudu naroman no dalan oinsa atu hetan siguransa justisa no moris di’ak, bele mos ohin ko’alia ida aban ko’alia seluk, ida ne’e bele aseita kuandu ema entende evolusaun dezenvolvementu tempo nian”. Tenik nia
Enkuantu deputadu ne’e afirma, ema hotu dotadu no intelijensia no vontade intelijensia, hanoin atu destingi ho vontade, hakarak atu haree saida mak los no sala. Hakotu nia
Jornalista: Ermelinda Soares
Editor: Ekipa Editorial