Imajem : Asesor prinsipal unidade inkluzaun sosial Presidensial Repúblika Gaspar Afonso.
SAPNewsTL, Dili – Ema ho Defisiensia (EhD) husi tinan 17 mai kraik seidauk hetan sira nia direitu ba subsidiu maske Timor-Leste kada tinan festeza loron nasional ema ho defisiensia maibe ema husi defisiensia barak mak seidauk goza sira nia direitu.
Asesor prinsipal unidade inkluzaun sosial Presidensial Repúblika Gaspar Afonso haktuir organiza ema ho defisiénsia sira hodi festeza hamutuk ne’e atu hatudu ba sosiedade Timor katak ema ho defisiensia ne’e existe, ema ho defisiénsia fo an ba rai ida ne’e.
Direitu ema ho defisiensia hanesan ho sidadaun Timor oan, kada tinan sempre selebra loron ema ho defisiénsia iha loron 4 fulan jullu maibe ema ho defisiensia barak mak seidauk hetan nia direitu nu’udar sidadaun Timor.
“Ami nia direitu seidauk atinji ho maximu, exemplu dekretus lei numeru 8/2024, ita nia ema ho defisiensia husi 17 anos mai kraik seidauk bele asesu subsidiu inklui mos ema ne’ebe servisu seluk ona, seguransa sosial labele asesu ne’e la justu,”Dehan Asesor principal unidade inkluzaun sosial presidensial Republika Gaspar Afonsu,ba jornalista sira iha resintu Palasiu presidensial,Quinta-feira(04/07/2024)
Nia informa, Ema defisiensia sira iha 3.118 mak asessu ba nia direitu subsidiu maibe husi tinan 17 ba kraik la bele hetan tanba ne’e mak loron 4 fulan jullu loron ema ho defisiensia sira halo marça hodi fo oportunidade ba ema ho defisiensia hanesan ho sidadaun baibain.
“Ohin halibir hamutuk iha ne’e, halo marsa husi largo mai to’o iha palasiu presidensial hodi hatudu ba entidade hotu-hotu katak ami representa ema iha area rural nafatin hakilar atu exizi ami nia diretu hodi fo oportunidade mai ami, para ona ho karidade”. Nia haktuir
Enkuantu, iha serimonia ne’e la marka prejensa husi Ministeiru Solidariedade Sosial no Inkluzaun tanba festeza loron ema ho defisiensia iha munisipiu Liquisa.
Jornalista : Juvita Guterres & Geronimo da Purificação