Imajem : Suspeitu na’in 8 inklui feto ida ne’ebe envolve iha kazu na’ok sasan iha Díli, 23/06/2025. Foto : Serviço Relações Públicas
SAPNewsTL, Díli – Polícia Nacional Timor-Leste (PNTL) liu hosi Serviço Relações Públicas kaptura autor na’in 8 inklui feto ida ne’ebe envolve iha kazu na’ok sobu loja hodi naok sasan iha area Fatuhada, Postu-Administrativu Dom-Aleixo, Munisípiu Dili.
Marciana da Conceição – SAP News – TV
Hafoin simu informasaun hosi fontes akreditadu, ekipa konjunta kompostu hosi Makikit, Araña junta ho FP (Forsa Polisia) hodi buka tuir autór sira ba krime públiku ekipa servisu konsege asegura joven-8 ne’ebé envolve iha Grupo rua ho naran NAKRO (Naok Ten Kronik ) ho TATA, hodi sobu loja hodi naok sasan iha area Fatuhada.
“Suspeitu nain 8 ne’ebe servisu koordenada hodi naok maka hanesan AV alias Tinu fender, nu’udar xefi ekipa NAKRO, ADSG alias Antonio gang 45, DP alias Mizio/Kozi, IG alias Kaka, Fiki Soares alais Afiki Gang 45”.
“FSD alias Riki Tohar, JF alias Jose pelatih no-mos EV alias Viana ho evidensia telefone ne’ebe maka ekipa rekolla husi suspeitu sira hamutuk 13 ho marka Iphone 6, Samsung 6, Awesone 1”. Sita Página Serviço Relações Públicas iha Díli, 23/06/2025.
Iha prosesu identifikasaun suspeitu sira koopera di’ak hodi deklara entre suspeitu sira ne’e sei falta suspeitu nain rua ho naran Aldo nudar Xefi Grupu Naok ho naran TATA ho nia membru naran Ramadhan maka seidauk asegura tanba sira nain 2 lori evidensia telefone 36 ho laptop 1 halai ses ona hosi nia rezidensia iha Dili ba fatin seluk tanba sira nia rede iha mos Munisipiu seluk.
Ekipa servisu ne’ebe dirije husi Xefi Departamentu Informasaun no Kontra Informasaun hamutuk ho Makikit 1, dezenvolve kazu ne’e konsege identifika suspeitu balu sei iha tan.
“Nune’e ekipa sei kontinua halo vizilansia hodi buka tuir. Enkuantu Komandu Operasaun mos haforsa vizilansia no hasai ona ordem ba membru sekreta sira hodi buka tuir suspeitu sira nia paradeiru tanba sira nia rede estabelese ona iha Munisipiu”.
Hafoin remata prosesu identifikasaun ekipa servisu halo kedas auto entrega suspeitu sira hamutuk ho evidensia motor ne’ebe uza hodi naok ba Servisu Investigasaun Kriminál Dom-Aleixo, hodi halo prosesu investigasaun klean.