Imagem : Labarik mane ida ne’ebé mate nia inan kous matebian no tanis iha Nítibe,25/03/2025. Foto : Ikhung Ikhung
SAPNewsTL, Díli : Durante loron 24 Marsu to’o loron hitu (7) fulan Abril tinan 2025 Autoridade Protesaun Sivil (APC sigla Portugués) rejistu ema 385 afetadu dezastre naturais no evakua ema 42 iha rejiaun Timor-Leste.
Tuir Xefi Seksaun Relasaun Externa APC Nelson de Oleans Nunes informa, tipu kazu dezastre naturais hirak ne’e APC liu husi komandu operasional Munisipiu rekolla iha munisípiu 13 inklui Regiaun Administrativu Espesial Oe-Cusse Ambenu (RAEOA) hafoin akontesimentu.
“Hahu iha loron 24-31 Marsu 2025, durante semana ida ne’e, iha rejiaun Timor-Leste normal no akontese tipu dezastre ne’ebe ami nia ekipa rejistu husi loron 24-31 númeru ema afetadu 280 ema evakua 10, husi loron 31-07 Abril tinan ne’e APC rejistu ema afetadu 105 evakua 32”.Xefi Seksaun Relasaun Externa APC Nelson Nunes relata ba jornalista sira iha Salaun APC Kaicoli, Segunda (07/04/2025)
Nia fundamenta tipu dezastre hirak ne’e akontese iha munisipiu sira hanesan Baucau, Bobonaro, Liquiça, RAEOA, Lautém no Viqueque.
“Iha loron 31-07 Abril 2025 akontese tipu dezastre ne’ebe ami rejistu kompostu husi Anin bo’ot lima (5) Ahi han Bee sae (9) numeru ema afetadu 105 ema evakua 32 akontese iha munisípiu sira hanesan Baucau Anin sobu uma ida (1), Bobonaro Anin sobu uma ida (1) Ahi han uma ida (1) mate ida (1) no ema ida mate, Lautem ahi han uma rua (2), Liquiça Anin sobu uma ida (1) Ahi han uma ida (1), RAEOA Anin sobu ema ida (1) Bee sae uma sia (9) Viqueque Anin sobu uma ida (1) Ahi han uma ida (1)”.
Nelson subliña, hafoin akontesimentu komandu APC Munisipiu ho parseirus relevante sira tun direita iha lokal akontesementu hodi fornese asistensia emerjensia, Ai-han no laos Ai-han (food item & Non-food Item) ba familia afetadus sira no Komandu Operasional Autoridade Protesaun Sivil ( APC) munisipiu sira sei kontinua halo levantamentu detaillus kona-ba sasan ne’ebe estragus no lakon.
Entretantu, Autoridade Protesaun Sivil (APC) alerta ba komunidade sira ne’ebe hela iha mota ninin, foho loron no besik ai-hun bo’ot no liña eletrisidade sira atu bele rai dokumentu importante iha fatin seguru no hases an husi fatin risku sira.
Jornalista : Guilhermino Ramos da Cruz