Imajem : Diretor ESG No.1 Lautem iha edifisiu eskola, Domingu,13/10/2024
SAPNewsTL – Lautém: Estudante sira husi Eskola Sekundaria Jeral Nú. 1 Lautem hamutuk atus ida haatnulu resin ualu (148) sei tuir ezame nasional ba tinan lektivu 2024
Iha entrevista ho Diretor Eskola Sekundaria Jeral Nú. 1 Lautem Estevão Horacio haktuir estudante sira halo ona preparasaun husi 10 ano to’o 12 ano no sei hatudu iha loron haat durante ezame nasional nian.
“Estudante sira ne’e la’os foin mak halo preparasaun maibe sira halo ona preparasaun durante tinan tolu maibe avaliasaun ne’e mak durante loron haat nia laran”. Dehan Diretor ESG No.1 Lautem iha edifisiu eskola, Domingu, 13/10/2024
Diretor ne’e hatutan estudante 12 ano ne’ebe prepara atu tuir ezame nasional aban hamutuk atus ida haatnulu resin ualu.
“Estudante sira ne’ebe agora daudaun atu tuir ezame nasional ne’e hamutuk atus ida haatnulu resin ualu (148) ne’ebe kompostu husi programa Ciencia Tecnologia total sianulu no Ciencia Sociais hamutuk limanulu resin ualu”. Tenik Diretor Estevão
Estevão mós husu ba estudante sira ne’ebe preparadu atu tuir ezame nasional ne’e hodi estuda makas hodi bele manan iha ezame nasional.
“Ha’u husu ba estudante sira hotu atu estuda makaas hodi nune’e bele manan iha ezame nasional ho rezultadu ne’ebe diak”. Nia tatoli
Entretantu, total estudante iha Eskola Sekundaria Jeral No 1 Lautem hamutuk atus haat limanulu no profesor hamutuk ruanulu resin ualu inklui estajiariu sira.
Enkuantu, tuir observasaun jornalista iha terrenu observa preparasaun ba sala de aula, numeru ezame sira preparadu ona hein hala’o ezame nasional.
Jornalista: Julmira Pires