Imajem : Estrutura NGO Ba Futuru hamutuk ho parseiru sira iha Kampun Baru, 20/09/2024
SAPNewsTL, Dili – Iha ámbitu Selebrasaun Aniversariu Organizaun Noun Governamental (ONG) Ba Futuru, ba dala XX Diretora Ezekutika Judith Maria de Sousa rekoñese katak halo mudansa boot la’ós fasil no prosesu ba mudansa ne’e difisil.
Diretora Ezekutika ONG Ba Futuru Judith Maria de Sousa hato’o agradesementu ba doador sira ne’ebe apoiu ONG, durante serbisu hamutuk hodi halo mudansa signifikativa sira iha maneira hanoin ema nian kona-ba violénsia iha eskola no iha uma.
“Ohin loron NGO Ba Futuru selebra ninia istória naruk, kria mudansa hamutuk ho partisipantes no doador sira liu 100,000 iha teritóriu Timor laran tomak, ONG Ba Futuru, Ami rekoñese katak halo mudansa boot la’ós fasil no prosesu ba mudansa ne’e dIfisil tebes” Informa Diretora Ezekutika Judith Maria de Sousa, ba Jornalista sira iha nia kna’ar fatin Kampung-Baru, Sexta (20/09/2024)
Nia salienta, NGO Ba Futuru konta mos partisipasaun no apoiu husi parseiru sira durante jornada iha Timor-Leste hodi halo mudansa signifikativa sira iha maneira hanoin ema nian kona-ba violénsia iha eskola no iha uma, ne’ebé agora konsiente katak hanoin hirak ne’e la aseitavel.
Direitora ne’e aprofunda projetu ONG Ba Futuru nia survei ba estudante sira ne’ebe mak seguru iha eskola katak manorin la uza ona violensia hanesan disiplina iha eskola, nune’e diretor eskola sira iha korajem maka’as atu halo mudansa no halo advokasia hodi hapara uza violénsia hanesan dixiplina tanba konsiente ba efeitu negativu ba labarik sira nia bem-estar iha tempu naruk.
“Depois de projetu tinan tolu(3) ne’ebe ONG Ba Futuru realiza, servisu hamutuk ho eskola sekundáriu sira, liuhusi survei ne’ebe halo ho estudante hamutuk 777 hatudu katak 71% husi estudante sira relata sira senti seguru liu eskola, no 64% hateten katak manorin sira la uza ona kastigu fiziku durante estudu”.Nia informa
ONG Ba Futuru servisu hamutuk ho autoridade lokal sira hodi hari’i rede protesaun iha komunidade sira no realiza formasaun ba feto iha lideransa, hakbiit feto no fo abilidade negosiu nian.
“Autoridade lokál atus ida liu mak servisu hamutuk ona ho ekipa NGO Ba Futuru hodi hari’i rede protesaun iha sira nia komunidade. Aleinde ne’e ONG Ba Futuru fo formasaun kona-ba hakbiit feto, no feto sira hetan ona abilidade esensiál ba negosiu no komesa ona inisia negosiu kiik no boot lubuk ida”. Sublinha Diretora
Ezekutiva salienta ONG Ba Futuru realiza kapasitasaun hodi hakbiit feto sira iha desizaun, lideransa, no hasa’e sira nia koñesimentu kona-ba protesaun labarik, fo dixiplina pozitivu no foin-sa’e sira aprende ona abilidade foun liu husi aprosimasaun oioin hodi hetan koñesimentu kona-ba lideransa, rezolusaun konflitu, kualidade jéneru, abilidade moris no kria ona istória teatru neʼebé interesante hodi muda komunidade nia hanoin.
ONG Ba Futuru hala’o mos servisu prevensaun ba violénsia, no utiliza metodu inovativu sira hanesan teatru komunidade no filme hodi kria mudansa ba atitude no hahalok, ONG Ba Futuru kria ona filme serie sira hanesan Feto Fantástiku ba Dame, filme serie, Domin Nakloke no filme serie kona-ba formasaun ba manorin ligadu-ba protesaun ba labarik no estratejia edukasaun partisipatoriu sira.
ONG Ba Futuru hahú iha tinan 2004, no haree liu ba prevensaun labarik sira neʼebé esperiénsia violénsia ne’ebe mak servisu hamutuk servisu hamutuk ona ho eskola liu atus ida ne’ebe mak inklui eskola sira iha Dili, Atauro, Baucau, Viqueque, Manatuto, Aileu, Lautem, Bobonaro, Ermera, Covalima, Liquica, no RAEOA (Oecusse).
Jornalista : Dircia Baptista &Jeronimo Purificação