Imajem : Presidente Komisaun Organizador Fetival Rabilau, Mariano Assanami Sabino hasoru malu ho Prezidente Repúblika José Ramos Horta iha Palasiu Prezidensial Nicolau Lobato, 23/09/2024. Foto : Media Vise PM
SAPNewsTL, Dili : Prezidente Komisaun Organizador (KO), Mariano ASSANAMI Sabino ho ekipa relata progresu servisu ba preparasaun Festival Rabilaun ba Prezidente Repúblika José Ramos Horta iha Palasiu Prezidensial, Bairru-Pité.
Tuir informasaun ne’ebé SAPNews asesu liu husi Média Vise Primeiru Ministru, Prezidente Komisaun Organizador Mariano Assanami Sabino informa hasoru malu ho Xefe Estadu relasiona ho preparasaun ba eventu importante ne’ebé sei hala’o iha Rabilau, Maubesse Munisípiu Ainaru.
Atividade importante sira ne’ebe sei priense iha eventu importante mak hanesan, Promosaun Arte no Kultura, expozisaun siensia no teknolojia, promosaun desportu, no promosaun Literatura no festival Sinema-TLKIDS Film Festival.
“Komisaun Organizadora ne’e involve interministerial, preparasaun ne’e la’o ona, ohin ita aprejenta ba Prezidente Republika ne’ebe sai inisiador ba eventu importante ne’e,” dehan Vise-Primeiru Ministru, Mariano Assanami Sabino ba jornalista sira iha Palasiu Presidensial Aitarak-Laran, 23/09/2024
Prezidente komisaun ne’e sublinha, atividade refere ho objetivu atu promove paz, unidade no rekonsiliasaun, promove turizmu, promove oportunidade edukasaun, no empregu, promove sentidu komunidade no orgullu nasional, prezerva patrimoniu kultural Timor-Leste nian, arte, siensia no teknolojia, no desportu, promove tradisaun no diversidade ba audensia nasional no internasional sira, promove komprensaun, respeitu no relasaun entre kultura oi-oin no promove interkambiu kultural.
Tuir planu festival ne’e sei realiza iha loron 15 to’o 19 Fulan outubru, iha Rabilaun Postu Administrativu Maubisse, Munisipiu Ainaru.
Enkauntu, Ekipa ne’ebe hasoru malu ho Prezidente Republika mak hanesan, Prezidente Komisaun Organizador Mariano Assanami Sabino, Vise Prezidente I. Nelio Isac Sarmento, no Unidade apoiu servisu mak hanesan, Atul Ministru Obras Publika, Samuel Marçal, Sekretariu Estadu komunikasaun Sosial, Expedito Dias Ximenes.
Jornalista : Marciana da Conceição