Imajen Intervista Familia Jorgador Luis Ximenes, Dili, 29/09/2022
SAPNewsTL,Dili: Federasaun Futebol Timor Leste (FFTL) kansela selesaun nasional U-16 ba kompete iha Kualifikasaun AFC U-17 tanba billete aviaun karun, enkuantu Reprezentante inan aman Luis Ximenes haktuir sira sente triste tanba falta de’it 24 oras atu aranka mak foin FFTL dehan la konsege tanba tiket folin sa’e.
“Ami nia oan sira ohin la konsege aranka ba Kazakhstan hodi tuir Kualifikasaun AFC U-17, nu’udar inan aman sente triste tebes tan ne’e ami mai hasoru kedas FFTL tanba sa mak falta de’it oras 24 nia laran atu aranka mak foin fo hatene ami nia oan sira katak la konsege aránka ho razaun katak tiket folin karun no buat seluk tan”. dehan Reprezentante inan aman Luis Ximenes de Oliveira ba jornalista sira iha edifisiu FFTL Bairo Formosa, Díli, kuarta-Feira, 28/09/2022.
Luis hatutan, sira husu ona ba iha federasaun para ba oin problema hanesan labele akontese tan tanba ami nia oan sira foin idade 16 bainhira sira nia mentalidade tun futuru mai futebol sei la ba oin tanba sira mak futuru jogador Timor-Leste nian atu reprezenta ba kompetisaun internasional sira no sira seidauk iha akordu ida maibé sira husu prezidente FFTL atu nune’e loron hira ne’e tenki bolu sira nia oan sira atu nune’e sira tur hamutuk fila fali haree solusaun. portnatu prezidente FFTL mos aseita ona atu bolu sira nia oan sira hamutuk ho inan aman para atu halo esplikasaun.
Iha sorin Sekretariu Jerál FFTL Gregorio Correia, fó rajaun katak billete mak karun duni kondisaun federasaun la iha kondisaun ba ida ne’e tan ne’e sira kontaktu duni nasaun ne’ebe jogador sira ba maibe sira mos la prontu ajuda Timor-Leste.
Imajen IntervistaSekretariu Jerál FFTL Gregorio Correia
“Inan Aman balu ladún simu realidade atu ita nia selesaun nasional U-16 ba kompete kualifikasaun U-17 tanba billete ne’e karun tebes nune’e kondisaun federasaun la iha duni tanba antes ne’e ita kontaktu duni nasaun ne’ebé ita atu ba maibé sira mós la prontu atu ajuda ita, razaun ba buat sira ne’e ami prepara karta ba AFC para kansela”.Tenik Gregório
Sekretariu Jeral ne’e salienta, AFC resposta ona katak Timor Leste sei la hetan sansaun no la fo impaktu ba federasaun ba kanselamentu ida ne’e no jogu tuir mai sei iha ne’ebé AFC husu FFTL atu perpara an para bele tuir iha eventu tuir mai.
Jornalista: Augusto dos Santos
Editor: Luis dos Santos