Ajensia Teknologia Informasaun no Komunikasaun Timor (TIC -Timor) no Compaña Mineral Timor-Leste Sosiedade Anonimu (CMTL S.A)
SAPNewsTL, Dili – Ajensia Teknologia Informasaun no Komunikasaun Timor (TIC -Timor) asina akordu ho kompaña Mineral Timor-Leste Sosiedade Anonimu (CMTL S.A) atu fornese teknolojia no komunikasaun ba povu Timor-Leste
“CMTL asina memorandu ho TIC Timor ne’ebe CMTL fò ona apoiu ba instituisaun estadu por volta de 98 ne’ebè lokaliza iha sentral no to’o iha Munisiupiu, ami nu’udar empreza estatal ne’ebè kria husi governu liu husi dekretu lei N.42/2022 ne’ebè ho objetivu atu halo aktividades komèrsial iha setòr rekursu oin-oin liuliu informasaun teknolojia”, dehan Presidenti CMTL Elidio de Jesus Gomes ba jornalista iha palm Business and trade center Hudi-Laran Dili, Kuarta (14/12/22).
Presidenti hatutan, asina nota intendimentu ida ne’e kooperasaun entre agensia kona-ba fornesimentu servisu sira no haree mos ba aspetu informasaun no tèknolojia.
Iha fatin hanesan, Diretor Ezekutivu TIC Timor Roberto C.de Sousa Vicente hateten, objetivu husi asina MOU ida ne’e atu apoiu nesesidade CMTL nia iha àrea informatika nian hanesan kria website no konktividade sira seluk atu tulun sira bele hala’o sira nia aktividade diak liu no fahe mos informasaun ba publiku di’ak liu konaba ba servisu CMTL S.A nian
TIC Timor no CMTL
“Objetivu ami asina MOU ida ne’e atu apoiu nesesidade CMTL nia iha àrea informatika nian hanesan kria website no konktividade sira seluk atu tulun sira bele hala’o sira nia aktividade diak liu no fahe mos informasaun ba publiku di’ak liu konaba ba servisu CMTL S.A nian tanba ita nia governu sei hamosu deit planu estratejia ba digitalizasaun atu hakbesik an liu ba povu no fasilita liu populasaun sira hodi asesu servisu dijitalmente”, tenik Roberto
Enkuantu, Diretor hatutan, dala barak problema ne’ebè infrenta, instituisaun estadu halo aktividade barak maibe iha limitasaun atu fahe informasaun ba pùbliku, entaun ho koperasaun hanesan ne’e ajensia TIC Timor hanesan tekniku ida ne’ebè foku liu ba dezemvovimentu ITC nian ajuda CMTL hodi dezenvolve sira nia nesesidade iha àrea informatika nian internamente presta servisu di’ak liu tan externamente pùbliku bele asessu ba informasaun diak liu ba servisu CMTL nian.
Reportajen : Antonio Tilman
Editor : Ekipa Editorial