SAPNewsTL, Dili : Kordenador Partidu Frente Revolucionário Timor Leste Independente (FRETILIN) Munisipiu Likisa Luis Lobato hakotu iis iha domingu madrugada ne’e tanba hetan atakasaun derepente, nune’e la konsege salva nia vida, Iha Intervista Eis Membru Comite Central FRETILIN (CCF) José Agustinho Sequeira Somotxo haktuir FRETILIN sente lakon nia kuadru diak ida ne’ebe profisional no empenhadu servisu Partidu ninian to’o ohin loron
Somotxo konsidera Luis Lobato nia Mate hanesan soke ida ba nia tanba antes sira halo reuniaun nia diak hela, iha loron ne’e atu halo tan reuniaun ida maibe infelizmente nia laiha ona, maske antes ne’e Somotxo alerta atu labele hemu tua, fuma sigaru, hader kalan tanba nia oin ne’e bubu hotu
“Ha’u sente ne’e soke ida ba ha’u, tanba horseik dez oras mak ami sei reune iha fatin ne’e, ohin lorokraik tuku lima ami atu reune tan, maibe notisia ida ne’e la hatene hanesan derepente deit ha’u mos la fiar. Maibe ha’u alerta dala barak ona katak tenke para ho fuma, hemu tua, hader kalan ne’ebe ha’u rasik alerta tiha ona. Laos ita preve ona nia mate maibe hanesan ninia saúde fizikamente nia hatudu katak isin ne’e hanesan oin mos bubu hotu”. Tenik Eis Membru CCF José Agustino Sequeira Somotxo ba SAPNewsTL iha Delta Nova, 18/06/2023
Somotxo akresenta, Saudozu Luis nia mate ne’e sei fo koragem liu tan ba nia, tanba durante 24 anos nia laran ema barak mate tui-tuir dalan, nune’e nia toman ona ho realidade no nia afirma sei kontinua luta nafatin ba oin
“Ba ha’u hanesan korajen liu tan tanba ha’u toman ona durante tinan 24 nia laran, maluk hira mak mate tuir-tuir dalan, maibe ha’u lao ba oin nafatin to’o ohin loron Timor Leste hetan ona ukun rasik –an. Husu mos ema ida ne’ebe persistente no rezistente ba objetivu hanesan bem komum ka ba ema hotu ninia diak. Ne’ebe nia bele husik ami maibe hanesan maluk sira seluk sei iha para hamutuk ho ha’u hamutuk ho grupu ne kontinua nafatin objetivu ne’ebe ami estabelese ona”.nia hatete
Iha profisionais Saude Militante FRETILIN nia maka prezidente, hotu hotu ita sente katak ita lakon ema ida, kuadru ida hanesan profesional ida, mediku ida iha Timor Leste. Povu tomak konserteza ke sente ninia falta ne’e tanba nia laos iha Díli deit maibe nia la’o iha fatin-fatin halo tratamentu ne’ebe povu tomak koñese.
“Ba Partidu FRETILIN sira hotu konese se mak Luis Lobato, ema ida ne’ebe hanesan empeñadu ba servisu partidu ninian to’o ohin loron no nunka ses husi ninia servisu. foin dadauk hanesan esforsu tomak ne’ebe nia halo mais nia rezutadu parte Liquiça hotu-hotu hatene, ida ne’e hanesan ba kamarada sira, povu tomak hanesan ita lakon kuadru ida ne’ebe hanesan partikularmente lalika dehan nia frontal, nia kontra ida ne’e ka kontra ida ne’eba”.Nia haktuir
Jornalista : Conizta Sandra Mota