Imajem : Entrevista MJDAK Nelyo Isaac Sarmento, iha salaun JL Vila Fatuhada, Dili sabadu (01/06/2024). Foto : Augusto dos Santos
SAPNewsTL, Dili – Ministériu Juventude Desportu Arte Kultura sigla portuges (MJDAC) liu husi Komisaun Nasional Desportu (KND) sei avalia federasaun desportiva hotu iha Timor-Leste (TL) iha fulan agostu 2024.
“Iha fulan agostu KND sei halo avaliasaun ba federasaun desportiva hotu iha Timor-Leste, nune’e fo oportunidade ba estadu atribui fatin ba sira hari’i eskritoriu, KND sei halo avaliasaun ba federasaun sira la iha atividade tanba iha lei ko’alia kona ba legalidade federasaun sira no obrigasaun ba federasaun sira iha direitu hetan utilidade publika”, dehan ministru juventude arte kultura Nelyo Isaac Sarmento ba jornalista sira iha salaun JL Vila Fatuhada, Dili sabadu (01/06/2024).
Ministru hatutan, los duni federasaun lubuk ida harii naran maibe estrutura la hare’e, atividade mos la iha no la hare’e sira nia sede, tempu ona labele koalia ho fuan barak liu maibe agora tenki koalia duni labele, ne’e labele duni, atu nune’e uza sistema diak ba dezenvolvimentu iha Timor-Leste.
Nelyo informa tan, bainhira KND halo avaliasaun sei foti desizaun karik federasaun sira ne’ebe naran deit la iha atividade tenki hetan sansaun barak, bele administrativa ka halakon federasaun depende komisaun detekta saida mak hetan iha kada federasaun hodi lori mai asembleia jerál KND depois foti desizaun ba kada federasaun bazeia ba avaliasaun.
Entretantu, daudaun ne’e federaasaun desportiva rejistadu iha Konfederasaun Desportu Timor-Leste (sigla portuges CDTL) hamutuk 35.
Reportajen: Augusto dos Santos