SAPNewsTL, DILI – World Vision Timor leste servisu hamutuk ho Open Mapping Hub Asia Pasific, fasilita treinamento plataforma online ushahidi, ba membru Assosiasaun Grupo Sistema Informasaun Geografia (G-SIG), hodi eleva koiñesementu membru asosiasaun (G-SIG), kona ba prevensaun klimatika no dezastre naturais iha Timor-Leste
Objetivu husi atividade ne’e mak atu fo koiñesementu klean liu tan ba membro husi organizasaun G-SIG ho World Visaun Timor leste atu uza plataforma Teknologia online hodi buka dadus no mapamentu hodi salva risku mudansa klimátika no dezastre naturais ne’ebe mak akontese iha rai laran.
“Iha plataforma online ushahidi ne’e atu hanorin ita oinsa uza media sosial no eletrónika hodi buka dadus ou informasaun kona ba klimatika sira ne’ebe mak agora daudaun ita rasik hasoru iha nasaun ida ne’e.” dehan koordenador komisaun organizadora G-SIG Ponsiano da Costa da Cruz ba jornalista iha fatin salaun arche Deoceze Dili largo licedere, Tersa (20/02/2024).
Prezidente komisaun organizadora asociasaun G-SIG, Ponsiano da Costa da Cruz hateten, atividade ohin loron G-SIG hetan suporta treinamento husi World Visaun Timor leste ho Open mapping Hub asia pasific hodi halo treinamento plataforma online ushahidi ba atividade mapamentu no Dezastre naturais nian ba membro G-SIG sira oinsa atu aprende hodi prevene situasaun sira ne’ebe mak akontese teritoriu nasional, Tenik Ponsiano.
“Asociasaun iha esperansa ba futuru katak ita hotu hatene katak iha rai doben ida ne’e menus tebes ho informasuan teknologia nian ho ida ne’e treinamentu ida fanun fila fali ami oinsa atu lidera fila fali informasaun ne’e ba joven sira seluk, oinsa atu uza plataforma ida ne’e ho diak no prevene rai doben ida ne’e husi risku dezastre naturais”.
“Tan ne’e, nu’udar joven ida husi G-SIG no grupo voluntario ida ami kontente los no orgullu tebes tanba bele hetan treinamentu kona ba sistema informasaun Geografikamente oinsa resolve klimatika ambiente mudansa dezastre naturais”. Ponsyano Sublinha
Entertantu, Jerente asunto umanitáriu emerjénsia World Vision Timor leste, Zito Afranios Soares, haktuir felisitasaun trenamento ida ne’e fokus liu ba iha plataforma teknologia gestaun Dezastre ninian hodi suporta komunidade plataforma teknologia hodi halo servisu kona teknologia online hodi rezolve kona ba klimatika ne’ebe mak akontese iha nasaun ida ne’e.
“Treinamentu ne’e oinsa atu aprende kona ba mapamentu ba dezastre ne’ebe mak akontese iha rai doben ne’e, atu hasa’e joven sira nia kapasidade no matenek iha Plataforma online nian kona ba oinsa uza teknolojia sosial hodi buka dadus no konserva klimatika dezastre iha ita nia nasaun ida ne’e”. Nia sublinha
Aliende nee hanesan Facilitador Open mapping Hub asia pasific Anjar Arrimullah kontente tebes fo Treinamento ushahidi ou plataforma tekonolojia sosial ba membro husi G-SIG no world visaun Timor leste sira hodi aprende oinsa atu buka dadus kona ba mapamento dezastre iha Timor leste.
Treinamentu refere hetan partisipasaun maksimu husi membru grupu sira ne’ebe hamahan an iha grupu refere, tuir planu grupu ne’e sei tun ba komunidade nia leet hodi hasa’e konsiensia komunidade nian kina ba prevenzaun klimátika no liu husi dizitalizasaun online.
Jornalista : Antonio Tilman