Imajem Debate no Aprovasaun Lei Eleitoral, iha uma fukun parlamento nasional Tersa feira (14/02/2023) Foto : Media PN
SAPNewsTL, Dili: Deputadu Bankada Partidu Demokratiku Adriano Nasimento husu Parlamento Nasional ho governo halo nia knar hodi halo ajustamentu lei ida ba eleisaun atu nune’e hasae partisipante eleitor sira
“Ha’u husu Parlamentu Nasional ho governu atu halo ajustamentu ba lei eleisaun parlamentar 2023 para eleisaun ida oin mai ne’e la’o diak, liu liu atu hasa’e taxa partisipasaun eleitor sira nian, ida ne’e depende ba governu nia kapasidade atu ezekuta lei ne’e bainhira prezidente promulga karik governu bele ezekuta tuir artigu balu ne’ebe hetan ajustamentu, ha’u hanoin karik prezidente la promulga mos la iha problema karik iha razaun seluk”,Dehan deputadu bankada PD iha uma fukun parlamento nasional Tersa feira (14/02/2023)
Adriano hatutan, se razaun politika mak prezidente la promulga maka haruka fila fali mai Parlamentu Nasional, karik Parlamentu ho governu dehan lei ne’e importante atu halo ajustamentu haruka dala ida ba prezidente, tan ne’e hakarak ka lakoi, tan ne’e mak hanoin sai hanesan membru komisaun A intende katak lei ida ne’e importante tamba atu halo ajustamentu liu liu atu hasae taxa partisipasaun eleitor sira nian, hamosu sentru paralelu iha Dili, aumenta tan sentru votasaun no sentru estasaun de votus depois aplika atu votasaun postal nian no mos fasilita ema sira ne’ebe presiza liu liu maluk sira ne’ebe ho difisiensia para atu bele hola parte iha eleisaun sira.
Iha fatin hanesan deputadu bankada KHUNTO Luis Robertu hatete, lei ida ne’e importante tebes maibe prezidente veta utiliza nafatin anterior tenki kontribui nafatin maibe implementasaun eleisaun ne’e Parlamentu Nasional tenki simu proposta husi governu.
“Relasiona ho lei no. 50/30 konaba alternasaun lei no 6/2006 lei eleitoral, ami intende katak proposta lei ida ne’e kapas maibe prezidente koalia tiha ona konaba data eleisaun nian tamba ida ne’e karik lei ida ne’e aprova, karik prezidente veta signifika katak lei ida ne’e la funsi ona, ita kontribui nafatin lei, mandatu konstituisaun fo kompetensia duni ba orgaun soberania hanesan presidente duplika para dekreta, determina data eleisaun nian maibe atu halo preparasaun ba iha implementa eleisaun ne’e Parlamentu Nasional simu proposta husi governu”, tenik Luis
Luis akresenta, prezidente republika ho governu ne’e tenki kopera hamutuk molok fo proposta mai iha parlamentu ida ne’e mak proposta parlamentu foin halo diskusaun espesialidade, preparasun ne’e governu fo influensia balun kestiona ona katak taxa partisipante tenki maksimu foti referensia ida iha tinan 2021 ne’e eleisaun prezidensial nian hamosu polemika barak.
Iha sorin seluk deputadu bankada Fretilin Antonino Bianco dehan, lei eleisaun ne’e barak prezidente la kompetensia atu veta, maibe prezidente dekreta ne’e baze ba faze tekniku eleisaun nian no bankada Fretilin apresia komisaun A no membru governu konklui lei ne’e
“Lei eleisaun ida ne’e barak, prezidente la iha kompetensia atu veta, karik veta ne’e tenki iha razaun maibe prezidente dekreta ne’e estabelese baze ba faze teknika atu hato’o ba eleisaun nian, bankada Fretilin apresia ho komisaun A nia servisu no membru governu ne’ebe mai fo hanoin depois konklui lei ne’e hodi tau melhoramentu lei ne’ebe akumula inspirasaun ema hotu nia hanoin”, Antoninho hateten
Jornalista : Anina Martins