Imajem : Estrada ligasaun Gleno ba Letefoho. Foto : Conzita Mota
SAPNewTL Dili : Governu liu hosi reuniaun Konsellu Ministru aprova ona hodi halo estrada Gleno, Ermera, no kruzamentu entre Gleno no Letefoho.
Durante reuniaun Konsellu Ministru, Governu aprova ona hodi halo reabilitasaun no manutensaun seksaun estrada entre Seloi ba Munisipiu Aileiu, estrada ligasaun Gleno,Ermera.
“Autorizasaun ba despeza ba reabilitasaun estrada reabilitasaun no manutensaun seksaun estrada entre Seloi ba Munisipiu Aileiu, no Gleno, Munisipiu Ermera”. Hakerek iha portal ofisial Governu Timor-Leste, Dili,21/11/2024
iha reuniaun ne’e, governu mos aprova despeza ba reabilitasaun no manutensaun seksaun estrada entre Letefoho no Gleno
“Autorizasaun ba despeza reabilitasaun no manutensaun ba seksaun estrada entre Gleno no Letefoho”.
Fo hanoin fali katak, antes ne’e estrada ligasaun Postu Administrativu Gleno ba Postu Letefoho no Postu Atsabe nakfilak ba tahu-been, liu tiha tinan naruk hafoin guvernu tau iha planu orsamentu tinan 2024.
Tuir observasaun Jornalista SAPNewsTL iha terenu nota estrada diresaun husi Postu Gleno ba Postu Letefoho no Postu Atsabe sai dodok ho tahu no sofre erozaun barak, iha ne’ebe difikulta tebes sirkulasaun transporte husi Gleno ba Postu Letefoho no Atsabe.
“Estrada Ligasaun Postu Letefoho no Atsabe Munisipiu Ermera aat kleur ona, estrada diresaun rua ne’e sofre rai-monu ka erozaun oioin iha fatin barak, estrada refere aat no difikulta movimentasaun transporte sira iha tempu udan tantu tempu bai-loron”. Jornalista SAPNewsTL haree direita iha terenu, Letefoho, 27/12/2023.
Antes ne’e, Vise Ministru Administrasaun Estatal (V-MAE) Jacinto Rigoberto haktuir nia parte sei komunika ho Ministériu Obras Públikas (MOP) hodi halo estrada refere tanba difikulta komunidade.
Jornalista : Conzita Mota