Imajem : Ministru Obras Públicas (MOP) Samuel Marçal iha Palásiu Governu Dili, 40/07/2025. Foto : Média MOP
SAPNewsTL, Dili : Konsellu Ministrus liu hosi reunian delibera hodi autoriza despeza no prosedimentu aprovizionamentu ne’ebe aprezenta hosi MOP hodi halo ezekusaun ba projetu haat kona-ba reabilitasaun infraestruturas rodoviárias.
Konsellu Ministrus delibera atu autoriza despeza no abertura ba ninia prosedimentus aprovizionamentu hodi halo ezekusaun ba projetu reabilitasaun infraestruturas rodoviárias haat neʼebé aprezenta hosi Ministru Obras Públikas, Samuel Marçal, iha palasiu Governu, kuarta-feira ne’e.
“Reabilitasaun ba Estrada Nasionál, iha seksaun entre kruzamentu Lourba (Bobonaru), Atsabe no kruzamentu Letefoho (Ermera), ho naruk 48,93 km no kustu neʼebé prevee dolar millaun 47,9”. Sita Média MOP, iha Dili, 30 Jullu 2025.
Reabilitasaun ba Estrada Nasionál, iha seksaun entre Maliana, Kailaku no Ponte Marobo (Munisipiu Bobonaru), ho naruk 26 km no kustu neʼebé prevee dolar millaun 25,6;
Reabilitasaun Estrada Munisipál, iha seksaun entre kruzamentu Bobonaru no Lolotoe Vila, ho naruk 8,9 km no kustu neʼebé prevee dolar millaun 13,8;
Reabilitasaun ba Estrada Urbana Likisá, ho naruk 20 km no kustu ne’ebé prevee dolar millaun 19,8.
Governu mós fó instrusaun ba Komisaun Nasionál Aprovizionamentu hodi hahú etapa sira tuirmai hosi prosedimentus kontratasaun públika nian, tuir lejizlasaun neʼebé vigora.