Imajem : Secretário Estado Comunicação Social (SECOMS) Expedito Loro Dias Ximenes iha Palásiu Governu Dili, 23/06/2025
SAPNewsTL, Díli : Durante sorumutu mensal ho liderança média nasional sira, Sekretáriu Estadu Komunikasaun Sosial (SEKOMS) Expedito Loro Dias Ximenes afima governu sei fo bolsa estudu ba jornalista sira hodi kontinua estudu iha UNTL & UCT.
Durante sorumutu ho liderança media sira, Expedito Loro Dias Ximenes toka asuntu haat (4) hanesan : Revizaun ba Lei Komunikasaun Social, Bolsu Estudu ba jornalista sira, programa husi Asian Portugues Community Conferense (APCC), no Jogu CPLP ne’ebe realiza iha fulan Jullu.
SEKOMS Expedito hateten governu liu husi Sekretáriu Estadu Komunikasaun Sosial (Sekoms) servisu hamutuk ho Ministru Ensino Superiór Siénsia no Kultura (MESSK) sei fo boslu estudu ba jornalista iha Timor-Leste hodi eskola ba area Komunikasaun Social iha Universidade Nasional Timor Lorosa’e (UNTL) no Universidade Católica de Timorense (UCT),” Dehan SEKOMS Expedito Loro Dias ba jornalista sira iha Palásiu Governu Díli, 23/06/2025.
“Ami enkontru hamutuk ho media sira atu fo hatene ba sira katak husu ba instituisaun media sira, karik iha interese atu haruka jornalista sira kontinua iha nivel superior maka tenke prense kritériu liliu dokumentus no karta dirige husi media ida-idak nian ba jornalista sira ne’ebe hakarak kontinua iha departamentu Komunikasaun Social”. Nia sublinha
Jornalista sira apresia ba hanoin governu nian ne’ebe bele fo boslu estudu ba jornalista, tan ne’e sira tenke priense rekezitu tolu ne’ebe sira sei fo ba média sira.
“Ami mós halo kordenasaun ho MESSK, bolsu estudu ne’e depende ba orsamentu ne’ebe preve hosi governu tanba sira husu masimo jornalista na’in 10 maibe ami mos sei fo sai kriteriu atu prense rekezitu”.
“Media ida-idak mak sei delega nia ema mai tuir kriteiru ne’ebe ami sei fo ba jornalista senior sira, mínimu tinan 5 servisu iha instituisaun media depois sei haree mos nia prestasaun serbisu iha media durante ne’e, media haree no avaliasaun ba membru ne’e diak ka lae”.
Entertantu, Boslu Estudu refere ba lisensiatura maibe karik, jornalista senior sira hakarak foti mestradu bele propoin, aleinde ba area Komunikasaun Sosial no balun hakarak espesializadu liu iha lingua Inglés no portugues.
Ligadu ho Revizaun ba Lei Komunikasaun Social, governante ne’e haktuir proposta lei refere iha ona revizaun tanba ne’e tempu besik sei bolu diretor, xefe redasaun no na’in ba média sira hodi halo apresiasaun, molok lori ba Konsellu Ministru fo apresiasaun no apresenta ba Parlamentu Nasional hodi aprova no Presidente Repúblika hodi promulga.
Relativamente ho programa husi Asian Portugues Community Conferense (APCC) sei realiza iha loron 27 to’o 29 Junhu 2025, konferénsia ne’e sei partisipa hosi estadu sira ne’ebe uza lian Português.
Ikus liu, Jogu Deportivo Comunidade dos Países da Língua Portuguesa (CPLP) ne’ebe maka organiza hosi Timor-Leste nu’udar uma na’in ba jogu ne’e sei partisipa hosi estadu membru CPLP, eventu ne’e sei hahú iha loron 17-27 Fulan Jullu tinan 2025.