Imajem : Primeiru Ministru Kay Rala Xanana Gusmão
SAPNewsTL, Díli — Governasaun dasia sei loke auditoria interna iha instituisaun estadu hodi identifika irregularidade barak ne’ebe Governu anterior gastu orsamentu estadu laiha kontrolu despeza ba osan povu nian.
Primeiru-Ministru Kay Rala Xanana Gusmão hateten, Governu loke ona konkursu atu halo auditoria ba irregularidade barak ne’ebé mosu, iha governu anterior, implika ba progresu servisu governu nian, no laiha dadus arquivu ba gastu orsamentu estadu ne’ebé benefisia ba povu liu husi Programa Nasionál Dezenvolvimentu Suku (PNDS).
“Ami aprova mós atu buka hamosu auditoria interna iha instituisaun estadu nian tomak, ita bele kontrola didi’ak despeza gastu, buat sira ne’e hotu atu la bele halakon osan povu nian”. Dehan Primeiru-Ministru Kay Rala Xanana Gusmão, ba Jornalista sira, hafoin remata enkontru semanal ho Prezidente Republika José Ramos Horta, iha Palasiu Prezidensial, Aitarak-laran, Kinta (03/10/2024)
Xefi Governu fundamenta, irregularidade barak tebe-tebes ne’ebé Governu mós haruka ona Lei Enkuadramentu Orsamental (LEO) no aprova ona, inklui sei ba fali Parlamentu Nasional hodi diskute tanba sei aplika iha Orsamentu Jeral Estadu 2025.
“La kleur Governu atu asina kontratu ho kompania internasional halo, difisil sira sei hetan difikuldade barak, tanba surat buka la hetan, lakon hotu, ne’ebé susar resolve, entaun ami haruka ona Lei Enkuadramentu Orsamental (LEO) no aprova tiha ona, sei ba fali Parlamentu Nasional hodi diskute” Tenik nia.
Primeiru-Ministru salienta, IX Governu Konstitusional iha ona polítika atu halo auditoria interna ba kada ministériu hodi garante ezekusaun orsamental nune’e lori dezenvolvimentu ba povu tomak.
“Auditoria agora ami aprova tiha ona iha Konsellu Ministru atu la’o hodi monitoriza, kontrola tanba lae mosu hanesan ne’e, 2021 millaun $68 ba PNDS, 2023 ami mai governu iha relatoriu dehan selu tiha ona millaun $38 maibé to’o 2024 mos projetu la’o la tuir saida mak povu hakarak”.Xanana informa
PM Xanana, klarifika katak iha Konsellu Ministru dehan afirma ona katak ministru sira tinan ida mai ne’e ladun halo buat ruma, tanba buka atu haree kona-ba irregularidade iha jestaun osan povu nian, lakuka ida mak dokumentu kona-ba programa sesta-bázika sunu tiha.
“Programa Sesta-Bazika nian, tuir Xanana sunu tiha dehan eletrisidade mak konslet. RAEOA mos depois pose atu ba entrega dokumenta, depois pose atu ba entrega dokumentasaun ahi-han tiha, ne’ebé buat barak tebe-tebes halo ita ulun fatuk moras uitoan”. PM Xanana
Xanana Gusmão afirma, foin daudauk preparasaun orsamentu Prezidente Autoridade Munisipiu mai husu ba sira dadus kona-ba projetu PNDS ne’ebé halo ona antes ne’e fó pose, Governu sentral informa ona ba prezidente munisipiu sira, atu buka hatene korrije irregularidade ne’e sai komplikadu ba servisu Governu nian.
“Tenke buka korrije buat sira ne’e, tanba se la korrije agora Governu ida tama gastu osan, governu ida tama gasta osan, povu moris kiak nafatin, ne’ebé Prezidente Autoridade dehan projetu 2021 on going hela katak seidauk hotu, maibé iha relatóriu dehan millaun $38 selu hotu ona”.
Aleinde ne’e Xefe Governu preokupa ho irregularidade entre Governu anterior ne’ebé seidauk halo pagamentu ba kompaña distributor produtu lokal ba benifisiariu sira, entaun nia parte simu karta husi emprezáriu ida ne’ebé esforsu an tebe-tebes ajuda agrikultor sira, sosa sira nia batar, sira nia hare hodi responde ba programa sesta bazika, maibé Governu anterior seidauk halo pagamentu ba kompaña.
Entretantu, IX Governu Konstitusional loke ona konkursu atu halo auditoria kada ministériu sira hodi identifika irregularidade sira, nune’e Governasaun dasia bele halo kontrolu despeza ba gastu sira kona-ba osan povu nian.
Jornalista : Guilhermino Ramos da Cruz