Imajem Guvernu Timor Leste asina memorandu Intendimentu ho Guvernu Cambodia liu husi Ministru Estadu Sekretáriadu Aviasaun Civil (MESAC) Mao Havannall, iha salaun nobre MNEK Pantai-Kelapa, segunda (06/03/ 2023).
SAPNewsTL, DILI – Governu Timor-Leste liu husi Ministeriu Transporte Komunikasaun (MTK) ho Reinu Cambodia realiza serimónia asina memorandu intendementu ba Implementasaun ba Air Service Arrangements (ASA) nian atu nune’e governu Cambodia rasik fasilita transporte Aero ba pasajeiru no sasan merkadu
“Ami Agradese ho prezensa husi Estadu Cambodia iha Timor-Leste, ami rua asina memorandu ASA nu’udar kontinuidade husi vizita prezidente repúblika José Manuel Ramos Horta ne’ebé mak hala’o iha tinan kotuk no Iha tempu ne’ebá ita mos realiza asinatura akordu serbisu Aero entre Timor-Leste ho Cambodia,”hatete MTK Jose Agustinho da Silva ba jornalista sira iha salaun nobre MNEK Pantai-Kelapa, segunda (06/03/ 2023).
Ministru hatutan, ohin asina memorandu ne’e faze ida husi governu Timor-Leste atravez MTK no MNEK ne’ebe sei lori dokumentu ida ne’e ba iha konsellu ministru, depois lori ba Parlamentu Nasional para prosede ba ratifikasaun para bele designa sira nia aviaun nian hodi bele liga konektividade aero entre Timor-Leste ho Cambodia, objetivu oinsa mak bele fasilita transporte ba sasan merkadu no pasajeiru, sira fo apresiasaun no agradesimentu ba governu no povu Cambodia ho sira nia apoiu tomak ba Timor-Leste, nu’udar nasaun membru organizasaun rejionál ASEAN nian,
Nia esplika, sira esforsu hodi bele koopera ho suporta malu ba dezenvolvimentu pais ida-idak nian, hodi bele fo moris di’ak ba povu tanba konektividade aero ho maritima no dezenvolvimentu telekomunikasaun sira ne’e hanesan rekezitu importante ida, ba adezaun organizasaun rejionál ASEAN, ohin Timor-Leste marka tan pasu ida ba oin iha sektor aviasaun sivil ho memorandu ida ne’e, prezensa husi Estadu Cambodia ohin sira bele hare’e ho matan no rona diskusaun kona ba infraestrutura aeroportu nian
Imajem Ministru Estadu Sekretáriadu Aviasaun Civil (MESAC) Mao Havannall hamutuk ho Ministru Transporte no Komunikasaun Jose Agustinho
Jose akresenta, pista aeroportu nia naruk iha de’it 1.850 m, no sira mos ohin tau atensaun ba ida ne’e, para Timor-Leste hasa’e pista nia naruk ba 2.1 km ka 2.5 km nune’e bele akomoda aviaun sira ho kapasidade boot, ida ne’e rekezitu tenke priense no sira sei esforsu antes adezaun ba membru ASEAN, laiha limitasaun kona ba durasaun tempu ba akordu ne’e rasik ne’ebe ba futuru relasaun di’ak no haluan tan rekoperasaun ida ne’e ho seitor sira seluk.
Iha fatin hanesan Ministru Estadu Sekretáriadu Aviasaun Civil (MESAC) Mao Havannall hatete, nia simu onra no ksolok boot simu MTK asina memorandu ho estadu Cambodia kona ba implementasaun ASA ho intensaun atu hametin funsionamentu aviasaun
“Ohin loron ha’u simu onra no ksolok, simu governu Timor-Leste liuhusi MTK ne’ebé asina memorandu ho Estadu Cambodia kona-ba implementasaun ASA, ha’u haree mós sorumutu ida ne’e iha intensaun atu hametin funsionamentu aviasaun, no haluan akordu servisu nian ida entre nasaun rua ne’e ho esperansa katak sira bele estabelese ASA ne’e duni”, tenik Mao Havannall
Mao Havannall informa, iha loron 19 fulan outubru tinan kotuk, prezidente repúblika hala’o vizita ba reinu Cambodia hein katak nasaun rua kontinua ho efetivu, implementa kooperasaun ekonómika komersiál no téknika
Jornalista : Antonio Tilman