SAPNewsTL,DILI- Liu husi reuniaun Konsellu Ministrus (KM) ne’ebé hala’o iha palásiu governu Dili, governu delibera hodi autoriza asinatura ba akordu tolu entre Repúblika Demokrátika de Timor-Leste (RDTL), Repúblika Sosialista Vietname, Sentru Komérsiu Internasionál Nasoins Unidas, no Ministériu Komunikasoens Informátika Repúblika Indonézia
Objetivu konkordansia entre Repúblika Demokrátika de Timor-Leste (RDTL), ho Repúblika Sosialista Vietname, atu fó izensaun ba titulár pasaporte diplomátiku, ofisiál sira ka servisu obrigasaun vistu nian iha país sira ne’e.
Tuir akordu ida-ne’e reflete relasaun ida-ne’ebé metin no amigavel entre nasaun rua ne’e, ho dezeju mútua hodi simplifika prosesu entrada ba sidadaun sira ne’ebé iha passaporte diplomátiku, ofisiál ka servisu válidu, tuir lei no regulamentu sira husi país Timor-Leste ho nasaun Vietname.
Govenu Timor-Leste iha konkordansia ho, Sentru Komérsiu Internasionál Nasoins Unidas (ITC – sigla portugés) ho objetivu atu asina akordu sede ida, atu permite ajensia ITC formaliza ninia instalasaun iha Timor-Leste, hanesan estatutu ne’ebé (TL) fó ba Nasoins Unidas nia entidade sira iha país ne’e.
Tuir konvensaun internasionál sira ne’ebé ratifika ona husi Parlamentu Nasionál no ho akordu ne’ebé asina ona entre Timor-Leste no PNUD, aplika mós ba ajénsia no entidade sira seluk Nasoins Unidas nian.
Enkuantu, Repúblika Demokrátika de Timor-Leste (RDTL) asina mos akordu ho Ministériu Transportes no Informátika Repúblika Indonézia, ho objetivu atu habelar no hadi’a koordenasaun no kooperasaun bilaterál sira iha área komunikasoins no informátika entre parte sira, hodi fornese, enkuadramentu ida ba dezenvolvimentu kooperasaun iha área komunikasoins no informátika iha Timor-Leste, tuir lei no regulamentu sira ne’ebé vigora iha país rua ne’e.
Jornalista : Marcela Mery da Costa