SAPNewsTL,Dili : Gabinete Primeiru Ministru (GPM), Vise Primeiru Ministru Assuntu Ekonomia no Vice Primeiru Minitru Assuntu Sosoais hala’o aprezentasaun Orsamentu Ratifikativu 2023 Ba Komité Revizaun Orsamentu (KRO).
Aprezentasaun ne’e dirije direita hosi Primeiru-Ministru, Kay Rala Xanana Gusmão akompaña hosi Vice Primeiru Ministru Assuntu Ekonomia, Fransisco Kalbuadi Lay, Vice Primeiru Minitru Assuntu Sosoais, Mariano “Assanami” Sabino no
Diretora Jerál Gabinete Primeiru-Ministru, Ursula Ferrão Pinto no Xefe Gabinete Primeiru-Ministru, Elizabeth Exposto
Orsamentu Jerál Estadu ba Gabinete Primeiru-Ministru inklui vice ministru rua ho totál milliaun $4,400,630 fahe ba salariu no vensimentu $401, 697,24, bens servisu $3,998,932.76.
Hosi totál Orsamentu Jerál Estadu ne’e, Gabinete Primeiru- Ministru sei la gasta hotu no fó fila osan hamutuk milliaun $1.000.000.00 ba konfre estadu.
“Ohin kalan ami mai aprezenta orsamentu totál milliaun $4,400,630 fahe ba salariu no vensimentu $401, 697,24, bens servisu $3,998,932.76,” informa Diretora, Ursula Ferrão Pinto ba jornalista iha salaun Auditóriu Ministériu Finansas, Aitarak Laran, 01 Agustu 2023
Entretantu, iha aprezentasaun ne’e, mós Xefe Governu Xanana husu atu Gabinete Primeiru Ministru atu prepara ona planu no programa Orsamentu Jerál Estadu 2024 nian.
Prosesu elaborasaun orsamentu retifikativu 2023, Ministériu Finansas halo ona sesaun traballu ba membru sira IX Governu Konstitusionál, iha loron 14 fulan-jullu 2023 no aprezenta ona ba Konsellu Ministru iha loron 24 Jullu 2023.
Bazeia ba instrusaun hosi Primeiru Ministru, Kay Rala Xanana Gusmão atu realiza Mini Komité Revizaun Orsamentu (KRO) hodi finaliza Proposta Orsamentu Retifikativu 2023.
Reuniaun Komite Revizaun Orsamentu realija husi Diresaun Jerál Planeamentu no Orsamentu (DJPO), Ministériu Finansas no Sekretariadu Grande Projetu, Ajénsia Dezenvolvimentu Nasionál (ADN), Komisaun Nasionál Aprovizionamentu (CNA), nu’udar Sekretariadu ba KRO Retifikativu 2023
Reportazen:Lidia Amaral&Marcela Mery