Hafoin Susesu Atake Iraun ! Trump Deklara Tempu Ona Ba Paz

SAP News TL, América : Funu entre Israel no Iraun ne’ebe manas durante ne’e, iha ne’ebe harahun infra-estruturas rai rua nian inklui hamate sidadaun barak, ohin Presidente Estados Unidos América Donald Trump deklara liu hosi nia akun Facebook katak tempu ona ba paz.

Marciana Da Conceição Jurnalis – Mídia Sapnews

Presidente EUA Donald J. Trump hakerek sira-nia parte susesu halo atake ba fatin nuclear tolu iha Iraun.

“Ami kompleta ona ami nia atake susesu tebes iha fatin Nukleár tolu iha Iraun, inklui Fordow, Natanz, no Esfahan. Aviaun hotu-hotu agora iha liur hosi espasu aéreu Iraun nian. Karga kompletu ida ho bomba sira soe iha fatin prinsipál, Fordow.

Trump sita katak oras ne’e aviaun hotu-hotu seguru iha dalan hodi fila fali ba América, nune’e Trump parabeniza ninia militar sira tanba susesu iha misaun.

“Aviaun hotu-hotu iha dalan seguru iha sira nia dalan atu fila ba uma. Parabéns ba ami nia Funu-na’in Amerikanu boot sira. Laiha militár seluk iha Mundu ne’ebé maka bele halo ida-ne’e”.

Ohin Presidente Estados Unidos América Donald J. Trump deklara liu hosi nia akun Facebook katak tempu ona ba paz.

“Tempu Ba Paz ! Obrigado ba Ita-boot nia atensaun ba asuntu ida-ne’e.” –Prezidente Donald J. Trump

Fo hanoin fali katak funu entre Iraun no Israel rezulta infra-estruturas barak hetan estragus, sidadaun balun mate no halo komunidade Internasional pániku no preokupa tanba funu refere bele fo impaktu ka ameasa ba sira-nia vida.

Versão Inglês :

“We have completed our very successful attack on the three Nuclear sites in Iran, including Fordow, Natanz, and Esfahan. All planes are now outside of Iran air space. A full payload of BOMBS was dropped on the primary site, Fordow”.

“All planes are safely on their way home. Congratulations to our great American Warriors. There is not another military in the World that could have done this. NOW IS THE TIME FOR PEACE! Thank you for your attention to this matter.” –President Donald J. Trump