Imajem : Jogador Sub-16 Hosi Portugal no Timor-Leste Iha Estádiu Munisipal Dili, 26/07/2025
SAPNewsTL, Dili: Portugal manan Timor-Leste ho skore 4-1 iha modalidade futebol, nune’e Portugal okupa pozisaun datoluk iha Jogos CPLP 2025.
Ekipa Kobertura – SAP News TL
Bainhira jogu kick off jogador line up husi Portugal halo kedas jogu pasa bola ain ba ain enkuantu jogador sira husi Timor-Leste halo jogu liu husi kontra atake, nune’e jogu ekipa rua anima tebes adeptu sira iha Estadium Munisipal Dili.
Jogu durante 40 minutus iha faze dahuluk, ekipa hosi parte rua halo atake no kontra atake makaas ba malu maibe la konsege Batman, nune’e adversáriu husi ekipa nasaun rua mantein 0-0.
Iha parte dahuluk, ekipa hosi nasaun rua troka jogador hodi muda estratejia no halo esforçu hodi hatama golu maibe nafatin la konsege to’o jogu parte dahuluk termina.
Hafoin jogu parte dahuluk termina, inisiu jogu parte daruak jogador ho marka númeru 17 hosi Timor-Leste hatama golu hodi muda ba eskore 1-0, tuir mai jogador ho marka númeru 11 hosi Portugal hatama golu ida hodi muda eskor ba impata.
Hafoin muda eskor ba 1-1, adversáriu rua la konsege muda eskor to’o jogu parte daruak termina, nune’e hakat ba penaltu.
Iha penaltu, Jogador nain haat hosi Portugal konsege hatama hotu golu ba baliza, maibe jogador na’in tolu la hatama golu tanba hetan salva hosi guarda rede Portugal nian.
Rezultadu ne’e (4-1) hatudu Portugal okupa 3° lugar Iha jogu CPLP 2025 ne’ebe hala’o iha Estádiu Munisipal Dili.
Jogu tuir mai, Angola sei hasoru Cabo-Verde hodi kompete ba kampiaun jogu CPLP 2025 iha modalidade futebol iha tuku 16:00 oras Timor-Leste.