imajen Diskursu Reitor UNPAZ Adolmando Amaral iha Salaun UNPAZ, Manleuana, Dili, 19/12/2022. Foto : Jonh Marito
SAPNewsTL, DILI : Universidade da Paz (UNPAZ) realiza serimonia graduasaun etapa dahuluk ba Finalista na’in-576 husi fakuldade tolu (3) kompostu husi Ekonómia na’in-267, Siénsia Sosiáis Umana (CSH sigla Portugés) na’in-188 no Teknolojia Agrikola na’in-60 ho Tema “Hasoru globalizasaun, UNPAZ Mai Ami Ho Hanoin Kreativu Ho Inovativu Hodi Konstroi Inovasaun iha Timor-Leste”.
Tuir Magnifiku Reitor UNPAZ, Adolmando Soares Amaral, hatete, ohin halo Gradusaun ba periodu dala XVI ba Lisensiatura no mós ba periodu VI ba Programa mestradu, tanba ne’e husu ba Graduadu sira uza siénsia teknolojia aprende iha UNPAZ hodi buka asegura polítika estadu nian.
“Gradusaun ba etapa primeiru Ba programa lisensiatura, husi Fakuldade 3 hanesan, Ekonómia ho programa estudu maka Jestaun, Bankaria no Kontabilidade husi Mane na’in-77 no Feto na’in-190, Siénsia Sosiáis Umana (CSH sigla Portugés) ho programa estudu 3 hanesan, Relasoes Internasionais, Polítika Dezenvolvementu ba Páz ho totál graduadu kompostu husi Mane 117 no Feto 77, no Agrikola nian husi programa estudu rua mak Prosesamentu Ai-han no Observasaun Rekursu Naturais kompostu husi Mane 48 no Feto 12, sira ne’e mak ohin remata ona sira nia estudu iha Universitariu,”hatete Magnifiku Reitor UNPAZ, Adolmando Soares Amaral liu husi nia diskursu iha salaun UNPAZ Osindu Manleuana, segunda 19/12/22.
Reitor hatutan, UNPAZ fó gradusaun ba etapa primeiru kompostu husi programa rua, ba programa Lisensiatura no programa mestradu ho totál graduadu 13 husi programa estudu 3 hanesan, programa estudu administrasaun públiku husi Mane na’in-5 no Feto na’in-8, programa jestaun Bankaria na’in-1 sexu mane, programa Kontabilidade na’in 7, Mane na’in-4 no Feto na’in-3, siénsia ne’e estudante sira hotu ne’ebe ohin remata tenke lori ba investe iha Timor-Leste, liu-liu sira departementu agrikultura no siénsia ho ekonómia tenke investe iha ema, Husi husi ne’e bele transforma mentalidade Timoroan sira nian para ema hotu-hotu bele komprende lala’ok Governasaun iha Timor-Leste.
Reitor ne’e enkoraja nafatin Graduadu sira katak, la’ós sira gradua ona para bá buka serbisu deit, maibé sira gradua ona oinsá sira nia kontribuisaun ba povu no rai ida ne’e, liu-liu atu asegura polítika estadu nian no transforma ema hotu-hotu nia mentalidade para ema Agrikultór sira oinsá sira fila-fali ba to’os natar, ba ekonómia sira bele hasa’e produsaun iha rai laran bele halo jestaun di’ak iha atividade Indústria sira no ba polítika sira bele halo polítika hodi ema rona no halo tuir
Nia dehan, Bazeia ba Tema ne’ebé UNPAZ hatur,UNPAZ mai ho hanoin Kreativu no inovativu hodi kria inovasaun iha nasaun Timor-Leste
“Ita atu konstroi inovasaun iha Timor-Leste maka ita tenke prepara kondisaun minimas hanesan, Graduadu sira ne’e durante tinan 4 sira aprende ne’e iha ne’e, siénsia no teknolojia ne’ebé sira aprende durante tinan 4, sira tenke iha ideia inovativu no Jestu kreatividade para bele lori siénsia ba kuda iha ema no rai hodi nune’e bele asegura polítika governu para bele konstrui dezenvolvementu no ikus mai bele fo efeitu ba komunidade sira”. Dehan Adolmando
Entretantu, Seremónia gradusaun ida ne’e realiza faze primeiru nian iha loron 19/12/2022, enkuantu, graduasaun ba faze daruak realiza ohin Kuarta 21/12/2022
Reportajen : John Marito & Aquelina Mangalhaes