Imajen Estudante Debator IOB
SAPNewstl, Dili : Relasiona ho komemorasaun loron proklamasaun da Independensia RDTL ba dala 47, Institute of Bussiness (IOB)realiza Aktividade Debate sientifiku entre estudante IOB, iha ne’ebe reprezentante husi fakuldade tolu mak hanesan, Information and Comunication Tegnologjy (ICT), Fakuldade Hotelaria no Turismu (FHT) no mos Fakuldade Economia e Negosiu (FEN).
Objektivu husi debate sientifiku ida ne’e atu loke estudante nia hanoin kritiku hodi bele haforsa mentalidade no mos hametin amizade entre estudante sira, tanba ne’e mak IOB kopera hamutuk ho Ministeriu ensinu superior siensia no kultura (MESSK) hodi suporta ba aktividade refere
“Tuir planu husi komisaun organizadora nian katak, atu hala’o ih fulan agostu maibe la konsege, entaun ami hala’o fali ohin hodi komemora dia 28 de novembru loron proklamasaun da independensia nian”. Dehan Presidenti komisaun organizadora valdo koreia ba Jornalista Sapnewstl iha salaun IOB plaza kampus C Fimentu, Kinta-Feira (24/11/2022)
Estudante ne’ebe mak rejistadu hamutuk sanulu-resin ualu (18), kada grupu ida ema nain tolu (3) no mos husi Fakuldade ICT hamutuk grupu ualu (8), fakuldade Ekonomia no Negosiu grupu nen (6) no mos husi fakuldade Hotelaria no Turismu hamutuk grupu hat (4).
“Konkotente sira ne’ebe mak ohin halo debate ne’e total 12 pessoas tanba iha grupu rua (2) ne’ebe la partisipa no kompostu Mane sanulu (10), feto rua(2) husi departamentu ne’ebe diferente mak hanesan departamentu jestaun informatika no teknika informatika” ,Nia Salienta
Imajen Debate entre Estudante IOB
Aktividade ida ne’e sei halao durante loron tolu (3) komesa ohin husi fakuldade ICT ho nia tematiku mak hanesan impaktu utiliza siensia teknolojia Informatika ba prestasaun akademika universitariu no mos aban sei debate husi fakuldade Hotelaria no Turismu no loron ikus sei debate husi fakuldade ekonomia no Negosiu tuir tematiku ne’ebe mak prepara husi parte komisaun Organizadora nian.
“Estudante sira tenki lee barak atu nune’e bele haforsa liu tan konesimentu no mentalidade tanba durante ne’e dalaruma lee no rona deit maibe iha momentu hanesan ne’e bele aplika iha debate ne’e, esperansa ba oin hakarak realiza tan aktividde hanesan debate lingua portuges, lingua inglesh no mos website, tanba area refere loke hela kursu iha kampus IOB no tinan oin sei halao diak liu tan”. Nia Dehan
Iha fatin hanesan estudante Macaxiana S. F. De Andrade da Cruz nu’udar reprezentante primeiru lugar ba Debate sientifiku ida ne’e hatete sira senti kontenti teb-tebes ba rezultadu ne’ebe sira hetan hanesan primeiru lugar maske sira la iha preparasaun ne’ebe maximu, sira orgullu ba parte komisaun organizadora ne’ebe serbisu hamutuk ho ministeriu ensinu superior siensia no kultura hodi bele loke atividade ida ne’e
“Oportunidade ne’e mai dala ida deit, tanba ne’e labele tauk no labele moe hodi hasoru no koalia sai saida deit mak ita aprende durante ne’e, tanba ita tauk mak sei la aprende buat ne’ebe foun” Nia dehan
Entretantu, manan nain sira sei hetan premiu osan no mos setifikadu apresiasaun husi IOB iha loron 28 de novembru no mos iha aktividade ida ne’e hetan partisipa maximu husi reprezentante Ministeriu ensinu superior siensia no kultura, Reitor interino IOB, Dekanu fakuldade tolu no mos korpu dosente sira hotu.
Jornalista : Marcela Lemos
Editor : Ekipa Editorial