Imajem : Labarik feto ne’ebé lakon vida iha WindmillCourt, Irlandia, 14/10/2024.
SAPNewsTL, Irlandia : Deskonfia mane ida no feto na’in rua hakotu labarik feto ida nia vida iha Dungannon, area WindmillCourt Irlandia, nune’e polísia Irlandia kaptura ona sidadaun na’in 3 refere hodi submete ba prosesu investigasaun tuir lei haruka.
Tuir informasaun ne’ebé SAPNews asesu liu hosi ID Josefina da Conceição haktuir katak inan ho aman ne’e hakotu tiha labarik refere nia vida, hafoin uza manta hafalun labarik nia isin no pasiar ba diskoteka.
“Bebê nia Inan Aman hakotu bebê nia vida, depois sira uza lençol ou manta taka ka falun netik ba bebê nia isin mate, hafoin Inan ho aman lori malu ba diskoteka. Depois sira liga ba bebê nia avó feto mai hein labarik iha uma tanba sira sai hela”.
“Entaun, bebê nia avó mós to’o uma ba haree bebê ne’ebé falun ho lençol isin metan nanal to’os ona, entaun bebê nia avó feto liga ba sira rua dehan labarik is laiha ona, sira rua dehan ou bebê monu husi eskada”. Hakerek ID Facebook Josefina da Conceição liu hosi nia publikasau iha ohin, 15/10/2024.
Josefina hakerek tan, Avó feton refere tanis hakilar, iha ne’ebé halo vizinhu sira rona no komunika kedas ba polísia no ambulánsia hodi to’o iha fatin akontesimentu maibé labarik refere iis laiha ona.
“Tia ne’e mós tanis, halo ema vizinhu sira rona no liga ba polísia ho ambulânsia lori bebê ne’e ba iha ospital ho kondisaun ne’ebé is laiha ona, nu’udar inan ida ita hotu sente triste, deskansa ho paz anju”.Nia hakerek
Imagem : Polísia Halo Kapturasaun Ba Sidadaun Na’in Tolu Ne’ebé deskonfia involve iha kazu labarik mate.
Iha sorin seluk, tuir publikasaun hosi pajina Cool News & Sport liu hosi nia Jornalista Hannah Patterson informa mane ida no feto na’in rua ho idade maiz ou menuz 20 resin, hetan ona kapturasaun hafoin labarik ida mate iha área WindmillCourt.
“Mane ida no feto na’in rua, hotu-hotu ho idade 20 resin, hetan kapturasaun hafoin labarik ida mate iha Dungannon. Kazu ida-ne’e akontese orseik iha área WindmillCourt, 14/10/2024”. Sita hosi pajina facebook Cool News & Sport, iha Irlandia,14/10/2024. SAPNews Screenshot
Enkuantu, Sidadaun na’in tolu ne’e iha ona polísia nia liman no submete ba prosesu investigasaun ligadu ho akontesimentu refere.
Notísia kompletu SAPNews sei kontinua kolleta no publika iha oras balun tuir mai.
Jornalista : Marciana da Conceição