Imajem : Dom Virgilio Kardeal do Carmo da Silva hala’o proseisaun husi Igreja Balide to’o Largo Lesidere, Dili, 30/05/2024
SAPNewsTL, Díli – Sarani Katolika Dioseze Díli hamutuk ho religiozu no religioza sira selebra loron Corpu de Deus liu husi hala’o proseisaun husi igreja Paroquia São José Operariu Balide ba to’o Largo Lesidere.
Iha Homilia Bom Virgilio Cardeal do Carmo da Silva, haklaken, jesus oferese ba ema sakramentu bo’ot ida ne’ebe hatudu sentidu domin nian bainhira sakrifika nia aan ba terus hodi termina nia moris iha mundu, hodi kasu ita ema nia sala, hahoris Paz, no Harmonia iha familia sosiedade, no nasaun.
“Mai ita selebra sakramentu bo’ot ida ne’ebe ho jestu kristu nia moris hias no mate, bainhira jesus termina nia moris iha mundu liu husi fahe paun ba apóstolu sira, jesus hatudu nia sakrifisiu ba ita liu husi sakrifika nia aan ba mate,”Dehan Dom Virgilio Cardeal do Carmo da Silva liu husi nia, Homilia iha Largo Lesidere, Quinta, (30/05/2024)
Kardeal hatutan, liu husi proseisaun ida ne’e fó sentidu ba ema atu bele deskobre grandeza maromak nia domin ba ema nu’udar sarani, atu reflete domin wain ne’ebe suli ba ema, tamba ema moris iha frazilidade mak sai forsa domin nian ida ne’ebe puru.
“Proseisaun lori ita atu deskobre fila fali grandeza maromak Nia domin mai ita hodi koko maromak nia domin mai ita suli naresin, iha frazilidade mak sai forsa domin nian ne’ebe halo aan kiik atu bele hetan nafatin, bele fo nutrisaun no bele sai domin liu husi haleu eukaristia no santíssimu” Tenik Kardeal.
Dom Virgilio Salienta, forsa atu hatudu hadomi ida ne’ebe la’o sala, mundu tomak hatene kona ba jesus kristu nia apóstolu ne’ebe halo traisaun hodi saran jesus ba ema aat sira liman, traisaun mak domin no sofrimentu ne’ebe boot liu mai husi ema ne’ebe hatene hadomi, Dehan nia.
“Jesus hatan, ita hare iha kalan bainhira jesus kristu nia eskolante Judas Eskariotes halo traisaun mak jesus fó mai ita prémiu ida ne’ebe bo’ot liu, jesus hateten ha’u ne’e se, nune’e mos Papa Fransisco haklaken beibeik, katak, eukaristia la’os paun ema santo sira nian maibe paun ba ema sala nain sira nian, bainhira ita simu paun moris nian jesus fo hikas mai ita sentidu foun ida iha jesus nia matan, ita simu jesus, grasa husi jesus hodi kura ita nia kanek sira”.
Lider igreja katolika Timor-Leste ne’e fundamenta, ema hotu-hotu iha mundu rai klaran la senti atu soi ema ho hahalok diak sira, tuir kristu hanorin, maibé ohin loron kristu konvida sarani sira atu hamutuk ho nia hodi hakbesik aan ba maromak.
“Ita ema la senti atu soi ema seluk tuir kristu nia hanorin, maibé kristu konvida ita atu moris tuir maromak nia hakarak sira, kristu mai tamba ita, tamba ne’e ohin loron ita atu taka daudaun fulan Rozario Santa Maria nia, mai ita hotu lori ita nia devosaun sira mai hasa’e iha fatin ida ne’e”.
Entertantu, tuir observasaun, Média SAPNews Timor-Leste nota iha terenu katak Sarani Dioseze Dili hamutuk ho padre madre, religiozu, reliziosa, apostuladu no grupu kategorias sira ho antusiasme hala’o proseisaun husi igreja Paroquia São José Operariu Balide ba to’o Largo lesidere hodi selebra loron Corpo de Deus.
Jornalista : Guilhermino Ramos