Imajen Intervista Reitor UNTL, João Soares Martins iha Kampus Hera, 17/11/2022
SAPNewsTL, Dili : Relasiona ho Presensa Autoriedade Seguransa Polisia Nasional Timor Leste ne’ebe tama ba autonomia kampus sentral UNTL hodi halo revista ba estudante sira, iha ne’ebe halo estudante balu sente trauma, tauk no la seguru. Magnifiku Reitor UNTL João Soares Martins lamenta teb-tebes, no reitor rasik la autoriza atu sira halo ida ne’e
Tuir Reitor UNTL hateten karta ne’ebe haruka ba Polisia Nasional Timor Leste ne’e atu fortifika deit katak demostrasaun ne’ebe Aliansa Nasonal Maubere halo ne’e laiha kunhesimentu, Reitor la husu atu PNTL halo atuasaun ba manifestante sira tanba ne’e sira nia direitu
“Ha’u Hakarak hateten klaramente katak Reitor Laos fo karta ba PNTL atu tun mai halo atuasaun, lae, karta ne’e haruka iha semana kotuk iha segundu dia demostrasaun, Karta ne’e atu fortifika deit katak demostrasaun ne’e laiha kunhesimentu, PNTL rasik komunika katak, ita boot sira kunhesimentu kona-ba demostrasaun ne’e ?, Ami laiha kunhesimentu husi Aliansa Maubere Nasional, sira nia asaun ne’e perturba teb-tebes aprendijajem UNTL, estudante sira labele estuda no ezame ho diak tanba afeta tebe-tebes fakuldade haat iha Kampus Sentral UNTL (FMCS, FAGRI, Fakuldade Filosofia no Direitu)”. Tenik Reitor UNTL ba Jornalista sira iha Kampus FECT-UNTL Hera, 17/11/2022
Dr. João Soares Martins hatutan, Karta ba PNTL ne’e la husu PNTL atu halo atuasaun, atuasaun orseik estudante barak lamenta tanba atuasaun ne’ebe ho forsa makaas teb-tebes hasoru manifestante sira no halo revista mos ba estudante sira nia pasta, reitor la kontente no la autoriza polisia sira halo sasan sira hanesan ne’e
Reitor ne’e haktuir, sira sente trizte teb-tebes tanba aleinde sira halo manisfestasaun, sira baku rahun odamatan UNTL
“Ami trizte teb-tebes tanba aleinde sira halo manifestasaun, sira mai baku rahun ami nia odamatan, Tin-tinan halo demostrasaun ne’e nia objetivu demostrasaun ne’e atu halo saida, atu destrui ka konstrui”. dehan Reitor
Jornalista : Antonino Dulcio da Silva
Editor : Ekipa Editorial