Imajen Sorumutu Konsellu Ministru iha palasiu guvernu, Dili, 02/12/2022. Foto : Marcela Mery da Costa
SAPNewsTL,DILi –Sorumutu Reuniaun Ordinaria iha Palasiu Governu sexta-feira ne’e, Konsellu Ministru (KM) aprova alterasaun ba diploma ne’ebe aprova husi, konsellu ministru iha sorumutu loron 9 fulan novembru tinan 2022,kona-ba pagamentu estraordinaria ba salariu adisional fulan ida nian
“Ho alterasaun ne’ebé aprova agora sei iha diretu ba pagamentu ne’ebé reflete ba funsionáriu sira no ajente Administrasaun Públika (ho kontratu Administrasaun provimentu) no mós traballadór ba Administrasaun Públika kontratadu termu sertu ho saláriu ne’ebé ki’ik husi dolar amerikanu 500 ne’ebé la presta atividade profisionál iha gabinete ministeriál sira”.Dehan Ministru Prezidensia Konsellu Ministru, Fidelis Manuel Leite Magalhaens ba Jornalista sira, hafoin remata reuniaun ordinaria, iha Palásiu Governu, Sesta (02/12/2022).
Entertantu Konsellu Ministru, Aprova mós Projetu Dekretu-Lei, ne’ebé aprezenta husi Primeiru Ministru (PM), Taur Matan Ruak, ba kriasaun Unidade Misaun hodi Kombate ba raes badak “Stunting” (nanismu).
“Unidade Misaun atu Kombate Raes Badak presiza halo planu nasionál atu hasoru Raes Badak halo ezekusaun ba medida sira ne’ebé maka ita prevee iha-ne’e, mobiliza populasaun liuliu ba adosaun komportamentu preventivu sira “ Stunting” apoia atividade tratamentu no hamenus “stunting” no asegura koordenasaun husi órgaun no servisu administrativu sira iha matéria kombate ba “Stunting” no ba malnutrisaun labarik nian”Nia haktuir
Governante ne’e fundamenta unidade ida-ne’e, koordenasaun ho órgaun sira seluk no servisu administrativu sira ne’ebé relevante, sei responsavel ba elaborasaun husi Planu Asaun kombate ba “Stunting” iha Timor-Leste, no mós ba ezekusaun ba medida sira ne’ebé preve
“Ita haree ba natureza multidixiplinár no multisetoriál husi asaun sira ne’ebé tenke halo, Unidade ne’e sei depende ba Primeiru Ministru. Unidade ba Misaun ba Kombate ba Raes Badak remata ona iha loron 31 fulan-dezembru tinan 2024”Tenik nia
Jornalista : Marcela Mery da Costa