Imajem : Enkontru komisaun organizador no linha ministetial ba jogu CPLP 2025 iha edifisiu MJDAC Lecidere, Dili kinta (11/07/2025).
SAPNewsTL, Dili: Komisaun organizador no lina ministerial sira hola parte iha jogu CPLP 2025 preparadu ona hodi simu delegasaun husi nasaun neen ne’ebe sei mai Timor-Leste.
Augusto dos Santos – SAPNewsTL
“Ohin, ami enkontru entre komisaun organizador ho pontu vokal lina ministerial hotu hodi atualiza situasaun progresu ba preparasaun jogu CPLP tanba hela deit semana ida ona jogu CPLP hahú, nune’e ekipa konjuta liu husi komisaun organizador ho pontu vokal, lina ministerial preparadu ona ho porsentu 100”, dehan koordenador jeral komisaun organizador Jorge Cristovão ba jornalista sira iha edifisiu MJDAC Lecidere, Dili kinta (11/07/2025).
Koordenador hatutan , ohin enkontru ho pontu vokal lina ministerial sira, sira halo diskusaun ba delegasaun sira mai ne’e oinsa mak atu transporta delegasaun sira husi aeroportu ba hotel depois ba fatin jogu nian, nune’e parte saude, seguransa no sira seluk prontu ona para hala’o ida-idak nia servisu durante jogu.
Nia informa tan, delegasaun husi nasaun neen sei tama Timor-Leste iha loron 14 to’o 17 fula jullu 2025, jogu sei abertura iha loron 19 fulan jullu 2025 no remata iha loron 26 fulan jullu 2025.
Antes delegasaun husi nasaun neen mai ekipa konjunta parte saude, PNTL no imigrasaun sei halo simulasaun ba simu delegasaun husi aeroportu ba hotel no ba fatin jogu nian.
Entretantu, ekipa konjuta liu husi komisaun organizador ho pontu vokal lina ministerial mak MJDAC, SEAC, MESSC, PNTL, MTC, SECOMS no MS no delegasaun husi nasaun neen sei mai mak Cabo Verde, Angola, Guine Bissau, São Tome e Principe, Moçambique, Timor-Leste no Portugal .