Imajen Diretor Jeral Administrasaun Finansas MEJD Antonio Pires
SAPNewsTL, Dili : Timor-Leste Coalition for Education (TLCE) organiza diàlogo ho tripartida entre Ministerio Edukasaun Juventude no Desportu (MEJD) no Komisaun Funsaun Pùblika (KFP) ho Profesores sira komemora loron mundial Profesores iha Timor-Leste.
Objetivu husi diàlogu ne’e atu fò apresiasaun no konvense profesores iha mundu katak profesores mak determina kualidade futuru nian, Diàlogu tripartida ne’e realiza ho tema Hadia Kualidade profesores hodi asegura kualidade jerasaun vindouras
“Profesores senti triste tanba MEJD tinan ida ne’e la tau osamentu jeral estadu ba loron importante profesor sira nian hodi selebra hamutuk iha fatin ida hodi deskuti kona-ba problema ne’ebe profesores sira hasoru iha terrenu,”. Dehan Presidente sindikatu profissor Timor Leste (SPTL) Francisco Fernandes ba jornalista iha Fatin salaun ESTV Bekora, Kuarta (05/10/2022).
Entretantu, iha Diàlogu refere profesor sira hato’o sira nia preokupasan ne’ebé durante ne’e sira hasoru ba MEJD no KFP, liliu rejime espesial 2017 ne’ebe paradu to’o agora kona-bà oinsà sai professor senior, profesor kontratadu no permanente
Iha fatin hanesan, Diretor Jeral Administarasaun Finansas Antonio Pires haktuir Estatutu professor kontratado sira iha ona komprimisiu ida hodi kordena ho parte hot-hotu hodi mensiona professor kontratadu sira ne’e ba sira nia estatutu iha tinan ida ne’e
“Agora ministériu buka hela dalan liu husi parte sira relevantes sira hanesan Konsellu Minsitru no koordena hela ho Komisaun Funsaun Públika, ami bele haree metodu saida mak diak liu hodi selisiona estatutu ba professor sira kontratadu”. Nia Informa
Diretor ne’e hatutan halo ona verifikasaun 2021 dois mil ital mak verifika hodi hetan rihun rua atus sia (2900) professores mak hamahon aan hanesan professor kontratadu inklui voluntariu
Aliende ne’e, Representante Professor kontratadu no permenente Sabino Belo eskola barak sei menuz professores inklui Eskola STM Becora rasik, Ministériu Edukasaun presiza halo medidas ida hodi aumenta rekrutamentu ba Professores kontratadu iha Teritóriu nasional
Manorin ne’e mos kontente tanba bele hola parte iha diálogu tripartida hodi hato’o preokupasaun professor sira nian ne’ebe durante ne’e ema barak preokupa
“Ha’u kontente tanba ohin loron loron espesial ba mundial tanto TL, ohin dialogu tripartes entre Komisaun Funsaun Públika, Minisériu Edukasaun no Professor sira, iha estatutu Komisaun Funsaun Públika mensiona direitu ba funsionáriu hotu-hotu, liliu ba professor sira ne’ebe seidauk hetan direito alimentasaun, ami husu para bele konsidera netik iha future, salário retorativo ita nia direito ne’ebe sedauk hetan”. Nia sublinha
Enkuantu, iha dialogu ne’e parte Komisaun Funsaun Públika no Ministériu da Edukasaun hahú resgista ona preokupasaun hirak ne’ebe manorin sira hasoru durante ne’e, portantu iha tinan ne’e Ministériu Edukasaun sei loke vaga, purtantu tuir planu MEJD iha tinan ne’e guvernu fo ona vaga ba professores 2111
Jornalista : Esmeralda Da Silva & Antonio Tilman
Editor : Ekipa Editorial