Imajem : Bebe Ne’ebé komunidade hetan iha Postu Administrativu Hatulia A, 20/11/2024
SAPNewsTL, Ermera : Deskonfia inan feton ida soe bebe ida iha Postu Administrativu Hatulia A, Munisípiu Ermera.
Tuir informasaun ne’ebé SAPNews adedu liu hosi ID Facebook Lolec Soares informa katak bebe refere hetan ho kondisaun laiha liman no ain tanba asu han tiha.
“Inan feton ida laiha responsabilidade hodi soe bebe, bebe refere hetan ho kondisaun asu han tiha liman ho ain hotu, deskansa em paz anju, ba hein o nia inan iha lalehan”. Hakerek ID Facebook Lolec Soares, Hatulia A, Ermera,20/11/2024
Kazu ne’e akontese iha Postu Administrativu Hatulia A, Suku Hatulia Villa, Aldeia Hohopo, Loron 20 Fulan Novembru tinan 2024.
Fo hanoin fali katak durante tinan 9 (2015-2024) kazu soe bebe rejista ona hamutuk ema na’in neenulu (60). Nune’e husu ba inan feton sora hotu hodi simu realidade ne’ebé mosu hosi grasa Maromak nian ba ema ida-idak tanba aktu soe bebe ne’e krime kontra umanidade no direitus umanus.
Hafoin notísia ne’e publika, SAPNews seidauk halo komfirmasaun ho parte PNTL Munisípiu Ermera no autoridade lokal sora iha Suku Hatulia Villa.
Jornalista : Ekipa Kobertura