Imajem : Karreta Polísia ne’ebe hetan estragu husi autor konfrontasaun sira iha Inglaterra
SAPNewsTL, Inglaterra – Imigrante sira ne’ebe servisu iha Inglaterra hetan torturasaun. Intimidasaun no violensia tanba kauza hosi diferensa relijiaun, iha ne’ebe rezulta ema na’in tolu mate no na’in sia sofre kanek.
Tuir informasaun ne’ebe SAPNews asesu liu hosi fontes kredivel Francelino da Conceição ne’ebe hela iha Inglterra ne’e haktuir, akontesimentu konfrontasaun entre malae mutin no malae metan ne’e ema na’in tolu lakon vida no na’in sia hetan kanek.
“Konfrontasaun ne’ebe akontese iha London ne’e estudante 10 ho professor feto no mane ida hamutuk 12, nain tolu mate no nain-9 kanek, nain tolu mate ne’e ida tinan-4, tinan-6 no tinan-9, malae metan ne’ebe sona (oho) ne’e ho tinan-17”.Tenik Francelino da Conceição ba SAPNews liu hosi via whatsApp iha Inglaterra, 08/08/2024
Francelino da Conceição akresenta, konfrontasaun ne’e hamosu estragus oioin inklui karreta barak hetan sunu, sunu uma no hamate sidadaun na’in tolu tanba kapasidade Polísia Nasionál Inglaterra la naton hodi hapara konfrontasaun refere.
“Kazu ne’ebe mosu iha Inglaterra hahú hosi loron 05 to’o 08 Fulan Agostu ne’e, halo ona estragus ba karreta Polísia Nasionál Inglaterra, sunu karreta polísia ne’ebe seguransa sira uza hodi halo atuasaun ba konfrontasaun ne’e, sunu karreta no uma malae metan sira nian barak iha London, Brinhton, Birmingham, Bristol inklui siddade sira seluk”. Francelino da Conceição informa
Imajem : Karreta ne’ebe hetan sunu hosi malae sira
Iha konfrontasaun ne’e, malae mutin no malae metan sira baku malu, tuda malu, sunu uma, sunu karreta, sona malu. Polisia sira ne’ebe halo intervensaun ne’e la konsege satan tanba konflitu ne’e involve ema barak.
“Durante konfrontasaun ne’e mosu, Polísia ne’ebe halo intervensaun la konsege satan sira, nune’e Forsa no Defeza Inglaterra mak tun hodi halo intervensaun ba konflitu refere”.Nia dehan
Emigrante sira ne’ebe sai vítima maioria relijiaun islámika ne’ebe mai hosi Nasaun Pakistan no Malaísia, daudaun ne’e hetan ona kontrolu no seguransa husi forsa no defeza Inglaterra.
Francelino da Conceição informa, Timor oan ne’ebe hala’o servisu iha Inglaterra la hetan ameasa no sente seguru.
“Timor oan sira ne’ebe iha ne’e sente seguru, maibe ami mak presiza la’o ho kuidadu no atensaun tanba situasaun oin seluk, maske sira haree liu ba ema ne’ebe relijiaun islámika”. Nia fundamenta
Link tuir mai ne’e mak aktu konfrontadaun iha Nasaun Inglaterra entra malae mutin no malae metan :
https://www.facebook.com/share/zJ447u95saFbXxK3/
https://www.facebook.com/share/p/EWfir48zRE6xRpBA/
https://www.facebook.com/share/p/WkXfCYZ6D69XBvsT/
https://www.facebook.com/share/p/uYxcRENC3RWKqUHs/
https://www.facebook.com/share/p/Bv7f53kG6PuEnsnn/
Enkuantu, tuir video hirak ne’ebe viral iha media sosial hatudu katak ema atus ba atus mak halo konfrontasaun, baku malu, tuda malu, sunu uma, sunu karreta, sona malu to’o ema na’in tolu lakon vida no na’in sia hetan kanek.
Jornalista : Ermelinda Soares & Marciana da Conceição