Deputadu Bankada CNRT Aderito Hugo da Costa, Iha Resintu Uma Fukun PN, Kuarta (25/01/2023).
SAPNewsTL, Dili: Komisaun B Parlamentu Nasional trata asuntu negosiu estrangeiru defesa no seguransa husu ba Komisaun Regulador Arte Marsial (KRAM) halo regra rigorozu ho formal no legal hodi kategoriza ba arte marsial no ritual para sira halo atividade ne’e tuir regra tanba konfrontu arte marsial kontinua akontese iha sidade Dili
“Konfrontu arte marsial ka ritual akontese dezde pos referendu 1999 antes restaurasaun indenpendensia 20 maio 2002, akontese hela deit tanba ne’e mak ita nia regra sira ne’ebe estabelese iha KRAM ne’e tenki rigorozu no forma legal kategoriza arte marsial no ritual para grupo hotu tuir regra ne’ebe ita nia estadu estabelese, Timor-Leste atraves governu uluk halo regra para atu regulariza la’os bandu, tanba konstituisaun hatete momos direitu sidadadaun sira nian”. dehan Deputadu Aderito Hugo husi Komisaun B ba jornalista sira iha Parlamentu Nasional Kuarta (25/01/2023).
Deputadu ne’e hatutan, organizasaun atu estabelese regras sira ne’e mas tenki ho kondisaun nafatin no mos tenki hare’e ba pasadu katak nusa mak regra ne’e estabelese tanba iha buat ruma iha pasadu depois rekonsidera fali, KRAM iha regra, ezemplu atu ba indika fatin ba treinamentu tenki fo konesementu no aprovasaun sertifika husi identidade sira para indika katak fatin ne’e mak fo formasaun ou treina ba organizasaun para obra politika sira konese hela intensaun para atu labele iha perturbasaun ba komunidade sira nia moris, buat sira ne’e la konsidera reativa deit depois agora akontese konfrontu hanesan ne’e du’un malu, maibe rejime atividade sira ne’e direitu sidadaun nian tuir konstituisaun ba halo organizasaun
Eis Presidente Parlamentu Nasional ne’e afirma, reativa maibe la iha kondisaun to’ o agora situasaun akontese, dehan aktu sira ne’e individu mais individu ema nafatin haree nia kor organizasaun ne’e, iha pasadu sira ataka malu entre individu ka grupu, sira rasik mak ba hatan iha tribunal, estadu halo regra atu sira submete para akontese perturbasaun ruma karik estadu hatene akontese iha ne’e entre grupu ida ne’e i ho ida ne’eba, KRAM nu’udar komisaun reagulador ida ba organizasaun sira, organizasaun sira hotu haree ba regra no prense netik rekezitu minumu husi KRAM para KRAM regula organizasaun sira ne’e.
Enkuantu, konfrontu entre arte marsial no ritual ne’ebe akontese Antes ne’e iha maskarinhas submete ona ba prosesu investigasaun.
Entretantu, tuir informasaun ne’ebe SAPNewsTL asesu katak Guvernu liu husi Sekretaria Estadu Juventude no Desportu sei apoia orsamentu $ 2.5 Milliaun hodi administra makina sira organizasaun nian, portantu daudaun ne’e Organizasaun hamutuk 17 mak registadu iha KRAM, maibe dadus seidauk kompletu