Imajem : Sekretáriu Jeral Partidu Frente Revolusionáriu Timor-Leste Independente (FRETILIN) Marí Bin Amude Alkatiri halo komunikadu imprensa iha Sede CCF Comoro Dili, 07 Novembru 2024.
SAPNewsTL, Dili : Sekretáriu Jeral Partidu Frente Revolusionáriu Timor-Leste Independente (FRETILIN) Marí Bin Amude Alkatiri hala’o komunikadu imprensa hodi husu Primeiru Ministru Kay Rala Xanana Gusmão bainhira los maka apresenta karta demisaun no halo resignasaun.
Sekretariu Jeral Partidu FRETILIN Marí Bin Amude Alkatiri konsidera nonu governu la funsiona, la rezolve problema saúde, edukasaun, agrikultura no setor produtivu, Nia husu atu governu hatudu saida mak halo ona durante tinan 2024, saida mak sei hadia no halo ita tinan 2025.
“Ha’u fo parabens ba Partidu CNRT & PD tanba rekunhese sira nia inkapasidade, governu la funsiona, la rezolve problema saúde, edukasaun, agrikultura no la dezenvolve setor produtivu, enkuantu ita nia konsumu boot liu hosi ita nia produsaun, ita haree OJE 2025, despeza boot liu ba transferénsia públika no bens de servisu”.
“Transferénsia fundu minarai ba ema lubun oan ida nia bolsu ne’e mak realidade, lubun oan riku ne’e riku boot liu, saida mak governu atu hadia no halo iha tinan 2025”. Tenik Sekretariu Jeral Partidu FRETILIN Marí Bin Amude Alkatiri iha Sede CCF Comoro Dili, 07 Novembru 2024
Marí Alkatiri husu Primeiru Ministru Kayrala Xanana Gusmão bainhira mak atu apresenta karta demisaun no halo resignasaun tanba governu la funsiona ona.
“Kuandu sente laiha kapasidade ona tenki husu demisaun, bainhira los ? Ha’u husu dehan bainhira los atu apresenta resignasaun, tanba governu la funsiona, se governu la funsiona nia xefe ida deit, nia xefe la’os rua ka tolu”. Alkatiri husu
Enkuantu, governu dasia apresenta ona Orsamentu Jeral Estadu (OJE) 2025 billiaun 2, no 617 Milhões hodi halo investimentu iha infraestrutura estratéjikus, reforçsu iha ekonomia no melhoria bem-estar sidadaun sira-nian.
Tuir ajenda Parlamentu Nasionál sei debate to’o loron 8 Novembru 2024 ba debate jeneralidade, hafoin sei kontinua iha debate espesialidade to’o loron 25 fulan Novembru tinan 2024.
Apresenta OJE 2.617 Billiõns ! Asume Dejafiu & Aproveita Oportunidade
Jornalista : Marciana da Conceição