Imajen Fernando Coimbra Fujila no Mariano Assanami Sabino iha Sede MRS Villa-Verde, Dili, 30/09/2022
SAPNewsTL, Dili : Movimento Rezistensia Sosial(MRS) no Klibur Estudante Progresivu (KEP) Realiza Seminario Nacional ho Tema ‘Futuro Timor-Leste’, Iha Palestra Orador Fernando Coimbra Fujila hateten MRS no KEP kompriente didiak saida mak futuru Timor Leste, TL tenki iha futuru ida igualitaria, fraternal no sosializmu ba Timor oan hotu
“KEP no MRS, Kompriende muitu bem, saida mak Futuro Timor Leste, Futuro Timor Leste iha ita nia pensamentu rasik, ita hakarak lori Timor Leste ba prosperu, igualitária, fraterna, Timor Leste ida nakonu ho espritu sosialismu, atu Hamri’ik Hamutuk iha fatin ida atu labele hasai ita nia direitu”. Tenik Fernando Coimbra Fujila iha Sede MRS Villa-Verde, Dili, 30/09/2022
Orador ne’e fundamenta, espiritu sosializmu ne’e metin no buras hodi lori naroman ba Timor-Leste
“Futuro Timor Leste ne’e tenki defende jerasaun ne’e rasik, sujeitu ba Dezenvolvimentu, jerasaun Milenial sira maka sai futuru ba Timor Leste, Movimentu Rezisténsia Sosial nia hakarak Timor Leste ida ne’ebe ninia instumentu ho modu produsaun ne’ebe koletivu, katak espritu sosializmu ne’e bele lori roman ba povu maubere, se la mai ho kondisaun koletivismu, ita Labele hetan Timor Leste ne’ebe diak, Timor Nia futuru ne’e ba nakukun sei laiha konseitu sosilismu”. Nia sublinha
Fernando Coimbra Fujila
Nia akresenta, estadu ne’e tenki tau matan koletivamente ba povu Timor-leste, Juventude sira mak tenki sai motor de aranke, Joventude mak tenki sai dinamizador ba Dezenvolvimentu, Joventude Labele sai objeitu ba Dezenvolvimentu, Joventude sai sujeitu ba Dezenvolvimentu
Maubere nia oan sira tenki koletivamente aprende, eduka formalmente, non formal, atu nune’e sira bele eleva sira nia kapasidade, sira sai Joventude ida integridade, Joventude la konpromi injustisa, dezigualdade, Joventude la konpromi ho fraude, Joventude hatene oinsa lori nia kolega sira atu liberta ema seluk
Mariano Assanami Sabino
Iha fatin hanesan, Orador Deputadu Mariano Assanami Sabino hateten Joventude tenki sai nain lolos ba rai ida ne’e, Juventude tenki hetan servisu iha Timor Leste, servisu ne’ebe dignu no kontroladu
“Ita hatene katak politika haruka Timor oan ba rai-liur, ita tenki kontrola ho didiak para sira ba servisu ho dignu, Timor Leste tenki sai kampu de servisu ba sira, labele husik deit hanesan ne’e, imi iha energia, mudansa iha imi nia liman, imi nafatin esforsu, disiplina, badinas, nafatin iha esperansa bo’ot katak rai ne’e sei muda, rai ne’e jerasaun foun nian”. Dehan Assanami iha nia palestra
Enkuantu, Semináriu ne’e hetan partisipasaun maksimu husi elementu Movimento Rezistensia Sosial(MRS) no Klibur Estudante Progresivu (KEP), estudante Universitariu sira inklui Estudante sekundaria sira
Journalista : João Marito & Conzita Mota
Editor : Ekipa Editorial