Imajen Omilia Pe. Salvador Florindo iha Igreja Parokia Nossa Senhora Ranha dos Apostolos de Luro, 31/12/2022. Foto : Luis Pailofo
SAPNewsTL, Lautem: Iha Misa Agradesimentu, Padre Salvador Florindo hatete, tama tinan foun ema hotu tenki utiliza tempu halo diak iha moris ne’ebe Maromak fo ona tanba tempu bele hasoru kontente no triste
“Selebrasaun tinan tuan 2022, simu tinan foun 2023 hatete, agradese ba buat hotu, aproveita tempu halo didiak iha moris ne’e, Iha evanjellu ne’ebe fo atensaun mai ita liu husi leitura hotu katak atu ita kompriende, atu ita uza didiak tempu ne’ebe maromak fo ona mai ita (kesempatan) tanba iha tempu ne’e mos iha kontenti, triste no atu ita agradese”,dehan Pe.Salvador Florindo iha parokia Nossa Senhora Randa Dos Apostolos de Luro ba Jornalista SAPNewstl, Sabadu (31/12/2022).
Padre Selebrante ne’e hatutan, ohin kalan selebra eukaristia santa ida ne’e entre tinan tuan no tinan foun nia laran, buat barak liu ona nune’e mos oportunidade sira hotu ne’ebe maromak haraik mai balu atnji no la konsege atinji, Maromak sempre fo mai oportunidade, liuliu dejafia ba moris loron-loron atu hadia an diak liu tan, dalabarak senti kolen maibe labele rende iha ita nia moris loron-loron, hanesan ohin iha evanjeilu nain jesus kristu nia futar liafuan ne’e dehan : o husu mak nia sei fo, nune’e mos maromak la husu atu selu nia tusan maibe nia fuan ida ne’ebe mak hatene agradese, tanba fuan ne’ebe mak hatene agradese nia sei haksolok
Sarani Parokia Luro
Nia afirma, tinan tuan ho tinan foun troka malu ida ne’e fo mai oportunidade ida atu reflete fila fali buat hotu ne’ebe liu ona durante tinan ida, atu konstrui fila fali iha tinan foun ida ne’e jesus kristu nia mensajen mak “hambrik la’o ba tuir fiar”, hamriik lao ida ne’e hanesan maromak fo oportunidade foun ida katak lao ba lalika halo sala tan, la’o ba hodi konstrui moris foun ida ne’ebe mak paz, domin, amizade np harmonia nia laran
Nia akrsenta, maromak hakarak husu buat ida deit katak halo tuir Nia’ Maromak nia vontade, halo tuir nia hakarak hanesan iha nia ukunfuan sanulu (10) ne’ebe habadak ba rua(2) de’it dehan : hadomi Nai Maromak liu sasan hotu-hotu, hadomi ema seluk hanesan ita an rasik.
Salvador informa, Maromak nia prejensa iha moris ida ne’e nunka mais falla, nia nafatin akonpana liu-liu iha moris lor-loron, tan ne’e nafatin buka Nai Maromak hodi moris hamutuk nafatin ho nia no hahu ohin sai ema ne’ebe hatene agradese, no labele fo sala hela deit ba situasaun no ba ema seluk hodi fo todan ba ema seluk.
Jornalista : Luis Paiolofo