Imajen SEKOMS Mericio Juvinal dos Reis Akara iha palásiu do Governu, Segunda-Feira( 24/10/2022)
SAPNewsTL, DILI- Enkontru regular entre Sekretariu Estadu ba Komunikasaun Sosial ho Primeiru Ministru Taur Matan Ruak, Tuir Sekretariu Estadu ba Komunikasaun Sosial Mericio Juvinal dos Reis “AKARA” hateten enkontru regular ne’e atu ko’alia kona-ba kalendáriu debate orsamentu geral do estadu no servisu ministru asuntu parlamentu no komunikasaun
“Enkontru regular ho primeiru Ministru, atu atualiza servisu ministru asuntu parlamentu no komunikasaun sosial nian, primeiru liga ba kalendariu debate orsamentu geral estadu ne’ebe iha tempu badak sei hahu, seluk mak servisu sira liga ho media inklui asuntu sira seluk, ita nia povu akompanha informasaun governu halo no nia planu ba oin, inklui antes mandatu remata ne’e governu nia dezempenhu prestasaun servisu bele hetan apresiasaun husi ita nia sidadaun”.Dehan SEKOMS Mericio Juvinal dos Reis “AKARA” ba Jornalista sira iha palásiu do Governu, Segunda-Feira( 24/10/2022)
Governante ne’e tenik media iha lei atu regula banhira halo sala ruma no banhira ema balun la dun satisfaz ba publikasaun notisia lei komunikasaun autoriza hodi halo direitu resposta no governu nia posisaun nafatin ba liberdade imprensa
“Governu nia posisaun nafatin mantein liberdade imprensa ne’e baze ida, ita desenvolve ita nia media iha ita nia rain, Liberdade imprensa ne’e hanesan kriteriu prinsipal ne’ebe ita labele hases, segundu ita iha lei media halo sala ruma karik utiliza deit lei komunikasaun sosial se iha ema balun mak la dun kontente iha publikasaun notisia balun ne’ebe la refleta sira nia hanoin ka sira diskonkorda lei komunikasaun fo dalan para halo direitu de resposta ne’ebe ita utiliza deit lei ne’ebe existe, evita atu kriminaliza ita nia media”Nia hateten
Nia salienta katak Jornalista sira la’o tuir kode étika banhira Jornalista sira halo sala ruma konselhu imprensa iha hodi resolve tanba governu investe makas iha KI
“Ita iha konselhu imprensa ne’ebe mak fatin, ita atu hato’o ita nia preokupasaun para sira tau atensaun ba direitu ne’ebe mak ita iha,Jornalista sira servisu tuir kode etika, kuadu iha sala ruma ita iha konselhu imprensa para tau atensaun tanba ne’e mak ita investe makas iha konselhu imprensa atu halo knaar ida ne’e” haktuir nia
Nia hatutan kazu balun ne’ebe akontese ba media tenke tarata ho diak para labele kriminaliza produtu jornalista sira
“Dala ida tanba informasaun ka kazu balun ne’ebe mak akontese, ami hanoin ita tenke kuidadu hodi trata asuntu hirak ne’e para evita ita kriminaliza fali produtu jornalista ita evita atu julga, parese la ho intensaun maibe bele mos hakanek fali liberdade imprensa iha ita nia rai, governu nia posisaun mak dala ruma utiliza lei sira existe hodi resolve problema ne’e, dala ruma problema teknika deit, liga ba erro humanu tanba ita nia media iha Timor laos sira hotu lisensiatura komunikasaun ne’ebe mak hanesan nasaun seluk, mas ita nia alin sira aprende rasik atu sai Jornalista, kontribui makas durante ne’e,ne’ebe ita tenke enkoraga nafatin atu hadia”. nia tenik
Governante ne’e fundamenta, lei fo dalan ba sidadaun hotu-hotu hodi halo keixa maibe atu index prestasaun liberdade imprensa ba futuru oin mai KI tenke resolve
“Produtu jornalista balun mak la tuir ita nia hakarak dalan mak hanesan ohin ha’u dehan ne’e, iha dalan seluk maibe uza lei komunikasaun sosial hanesan ne’e diak liu, Klaru katak kodiku penal fo dalan ba sidadaun hotu-hotu atu halo keixa, maibe para ita nia futuru liberdade imprensa ne’e diak liu, ita nia index prestasaun liberdade imprensa iha mundu ne’e nafatin aseguradu ha’u hanoin lei komunikasaun no konselhu imprensa bele sai parseiru ida atu resolve”Nia hakotu
Jornalista : Marcela da Costa
Editor : Ekipa Editorial