Imajem : Komunidade LGBTIQ realiza marsa pride iha Cristo Rei, 30/06/2025
SAPNewsTL, Díli : Iha loron 30 fulan Junhu tinan 2025, Komunidade LGBTIQ realiza marsa ho tema “resiliente iha etapa hotu, la’o ho orgulhu, hamrik hodi hametin”, liu hosi marsa hosi Rotunda Metiaut to’o Cristo Rei.
Marciana da Conceição – SAPNewsTL
Marsa ne’e hodi fanun no fó oportunidade ba indivíduu LGBTQ+ sira no sira-nia aliadu sira atu halibur hamutuk hatudu sira-nia lian.
Durante marsa pride, partisipante sira utiliza panfletu ne’ebe halerek katak “Diversidade no inkluzaun halo ita sai forte liu tan, direitos humanos ba ema hotuhotu”.
Partisipante sira lori bandeira ho kor arkuiris no Iha panfletu sita mós katak “Hanesan arkuiris ne’ebe sai depois de udan, dejafiu ne’ebe ita hasoru halo ita buras no furak liu tan”.
Iha tan panfletu ida temi mós katak “Abaixu predator sexual”. Nune’e mós hakerek ” Solidariedade ba West Papua, Free for Papua, ita haree se no ita hadomi se”.
Marsa ne’e partisipa masimu hosi ema estranjeiru sira, ferik no katuas, foinsa’e feto no mane, grupu komunidade LGBTIQ, Grupu Arkuiris, movimentu oioin no timoroan sira.
Notisia kompletu bele akompanha transmissão direta hosi SAPNews iha terrenu, 30 Junhu 2025 iha link ne’e :