Imajem : Ministru Interior Sr. Francisco da Costa Guterres, Prezidente Autoridade RAEOA, CE ZEEDOA iha Otél Oéupu-RAEOA,06/06/2024. Foto : Media PA-RAEOA
SAPNewsTL, RAEOA – Ministériu Interior (MI) hamutuk ho Prezidente Autoriedade RAEOA halo lansamentu ba emisaun vistu estranjeiru no reativa atendimentu públiku sede delegasaun teritória RAEOA
Prezidente Autoridade (PA) Rejiaun Administrativa Espesiál Oé-Cusse Ambeno (RAEOA), Dr. Rogério Tiago de Fátima Lobato parabeniza inisiativa lansamentu emisaun vistu estranjeiru no reativa atendimentu públiku sede delegasaun territóriu RAEOA tanba fasilita RAEOA ba kontrolu vizitantes estranjeirus no hetan reseitas hosi atendimentu vistu nian.
“Ha’u fó parabéns ba Sr. Ministru Interior nia inisiativa bele fó vistu traballu ba estranjeirus sira maibé iha ita-nia embaixada indonézia, ne’e inisiativa importante para evita ema sira tama iha timor ho karakter vistu traballu, turista no negósiu nune’e evita vistu estranjeiru tanba molok tama iha timor vistu uluk iha embaixada ho adidu sira”.Prezidente Autoridade (PA) Rejiaun Administrativa Espesiál Oé-Cusse Ambeno (RAEOA), Dr. Rogério Tiago de Fátima Lobato iha Otél Oéupu-RAEOA,06/06/2024
Lider RAEOA ne’e hatutan, inisiativa ne’e importante tebes hodi hafasil servisu emisaun ho lais no besik liu tan ba komunidade sira husi rai+liur no rai-laran.
“Inisiativa ne’e sei fasilita RAEOA tanba iha investór barak iha interese atu investe iha RAEOA, ho lansamentu emisaun vistu estranjeiru no reativa atendimentu públiku sede iha territóriu RAEOA ne’e bele fasilita ona estensaun vistu iha RAEOA no la presiza to’o iha Dili maka foin halo estensaun, ne’e ajuda tebes RAEOA ba iha ekonomia”. Prezidente Autoridade haktuir
Imajem : Diskursu Presidente Autoriedade RAEOA Rogério Lobato iha Otél Oéupu-RAEOA,06/06/2024.
Prezidente Autoridade akresenta inisiativa ne’e bele kontrola ona vistu ema tama no sai iha Timor, tanba kestaun ida ne’e sempre akontese iha mundu toma.
Rogério Lobato kompromete sai ida de’it maka bele halo hamutuk ho CE-ZEEDOA sei apoiu fundus balun ba sede delegasaun RAEOA nian.
Enkuantu lansamentu emisaun vistu estranjeiru no reativa atendimentu públiku sede delegasaun teritória RAEOA refere entrega mós kompeténsia ba adidu foun sira ne’ebé destaka ona.
Serimónia lansamentu ne’e partisipa husi Ministru Interior Sr. Francisco da Costa Guterres, Prezidente Autoridade RAEOA, CE ZEEDOA, membru Autoridades, Komendante Jerál PNTL, KBRI destakadu iha RAEOA, delegasaun imigrasaun Indonezia, no adidu sira.
Jornalista : Ariqui Crisanto Colo