Lori Timor Oan Ba Servisu Iha Japaun, SEFOPE & Embaixador Diskute Akordu

SAPNewsTL, Dili: Sekretária Estadu Formasaun Profisionál no Empregu (SEFOPE) halo Enkontru ho embaxador Japaun iha Timor-Leste, objetivu husi sorumutu ne’e hodi diskuzaun oinsa asina akordu ida nune’e Timoroan sira bele ba servisu iha nasaun Japaun
“Ita halo akordu atu lori timor oan ba servisu iha japaun hanesan estajiu ida katak ba aprende ka halo servisu maski prosesu rekrutmentu la fasil, ita nia ema ba para iha kuñesesimentu di’ak liu tan, iha tinan kotuk liu ba mos ami enkontru hamutuk ho Embaxadora sesante prosesu ida ne’e la’o kleur ona iha tinan kotuk to’o agora maibe atu tama ba final ona”, dehan SEFOPE Alarico do Rosario ba Jornalista sira iha Salaun SEFOPE Caikoli tersa (10/1/2023).

Sekretaria Estadu dehan, lori Timor oan sira ba Japaun maibe tenke liu hosi Estajiu tanba ho razaun seidauk hatene ema nia lian, tanba ne’e mak sira halo diskusaun lubuk ida iha tinan kotuk liu ba mai to’o agora atu lori ba tenke tuir formasaun lai, sira atu lori numeru ki’ik ba dadaun maibe tanba akordu entre governu ho governu ne’ebe seidauk asina maibe ohin ekipa tenkiku ohin halo diskusaun atu lori joven hosi ne’e ba servisu iha ema nia rain presiza tenke legal, hanesan Australia ho Korea la fasil hodi ba maibe liu hosi prosesu naruk ida liu hosi akordu, maibe nia prosesu ne’e la’o neneik.

Nia hatutan, ohin sira konkorda ona no sira halo diskusaun lubuk ida ho delegasaun ne’ebe atu mai foti ema atu ba servisu hanesan agensia sira, tanba ne’e sira tuur hamutuk bele lori ema ba maibe tenke iha akordu ida entre ajensia ho SEFOPE mezmu hein akordu husi governu ho governu halo hanesan Australia ho Korea nian tanba ne’e husu hotu-hotu pasensia iha tempu badak ida ne’e, sira sei halo tanba iha dalan tiha ona no prosesu ne’e besik atu hotu ona

Entretntu, prosesu entre governu ho governu la fasil tanba sei liu hosi prosesu ida tenke halo diskusaun, sei rekrutamentu ne’e sira lori montante ki’ik ida ba uluk maibe sira protu atu lori ba barak bele to’o rihun liman, ida ne’e la’ os SEFOPE mesak maibe sei liu hosi Ministériu Negosiu Estrajeiru no Kooperasaun (MNEK), Ministreriu Estrajeiru Japaun nian no mos Timor-Leste nian ho SEFOPE no ajensia sira hamutuk mak bele rekruta iha tinan ida ne’e nia laran.

Iha Fatin hanesan Embaxador Japaun, Tetsuya Kimura fo obrigadu ba governu nasaun rua halo diskusaun ba memorandu kooperasaun atu lori Timoroan sira ba servisu iha Japaun hodi hetan orsamentu no abilidade ba mudansa teknolojia bainhira fila bele dezenvolve Timor-Leste

“Obrigadu ba governu Japaun no Timor-Leste ne’ebé hahu halo diskusaun kona-ba momerandu kooperasaun nian oinsa atu fasilita Timor oan sira ba servisu estajiadu iha Japaun, Programa ida ne’e fornese area agrikultura, Timor oan sira hetan orsamentu no mós hetan kunesimentu abilidade liu-liu forma sira nia a’an ba mundansa teknolojia iha japaun, nu’une sira kuandu fila fali mai iha Timor-Leste bele kontribui fila fali ba dezenvolvementu Timor-Leste nian hafoin kompleta sira nian estajiu ida ne’e”, tenik Embaixador Japaun

Nian dehan, governu rua ne’e halo hela diskusaun, ohin simu tan delegasaun ida hosi konxi ne’ebe hakarak hahu ho progrma pilotu ida hahu ho numeru ki’ik oan baihira sira lori ba liu-liu sira servisu iha agrikultura no hakarak mós hasa’e numeru ne’e ba iha area sira seluk, iha diskusaun di’ak tebes maibe presiza halo diskusaun tan entre governu SEFOPE liu-liu akordu entre kompaña no mos SEFOPE nian maibe ida ne’e hanesan faze inisiu ida importante akordu governu ho governu estabelese tanba ida ne’e faze esensial

Tetsuya hatutan, sira sei servisu hamutuk ho SEFOPE atu realiza programa ida ne’e ho lalais governu mos apoiu ona atu servisu ne’e ho lalais liu tan servisu ho SEFOPE liu hosi estadu atu bele realiza lalais hodi lori Timoroan ba servisu iha Japaun iha tempu badak

Reportajen: Antonio Tilman
Editor : Augusto dos Santos